Björn hættir hjá Viðskiptaráði

Björn Brynjúlfur Björnsson, hagfræðingur Viðskiptaráðs Íslands, hefur sagt upp störfum en hann hefur starfað hjá ráðinu frá árinu 2014. Þetta kemur fram í Morgunblaðinu í dag sem Björn staðfestir í samtali við Viðskiptablaðið. Þar ekki greint frá ástæðu þess að hann hefur sagt starfinu lausu.

Tilkynnt var í dag að Ásta Sigríður Fjeldsted hefði verið ráðin framkvæmdastjóri Viðskiptaráðs. Frosti Ólafsson, fráfarandi framkvæmdastjóri ráðsins, sagði starfi sínu lausu í síðustu viku eftir fjögur ár hjá Viðskiptaráði til að taka við forstjórastöðu Orfs líftækni sem framleiðir Bioeffect-húðvörurnar.