Ásta Sigríður Fjeldsted nýr framkvæmdastjóri Viðskiptaráðs

Ásta Sigríður Fjeldsted hefur verið ráðin framkvæmdastjóri Viðsktiptaráðs Íslands að því er fram kemur í tilkynningu frá ráðinu. Ásta hefur starfað fyrir ráðgjafafyrirtækið McKinsey & Company frá árinu 2012, bæði á skrifstofum þess í Kaupmannahöfn og Tókýó.

Þar hefur hún einkum sinnt verkefnum í stefnumótun og rekstrarumbótum fyrirtækja en jafnframt haft leiðandi hlutverk í skýrslugerð um úrbætur í efnahagsmálum Japans.

Áður starfaði Ásta hjá IBM í Kaupmannahöfn og stoðtækjaframleiðandanum Össur hf., bæði í Frakklandi og á Íslandi en hún er vélaverkfræðingur með M.Sc. frá DTU, Tækniháskólanum í Danmörku.

Ásta mun formlega taka til starfa þann 1. júní næstkomandi af Frosta Ólafssyni, fráfarandi framkvæmdastjóra.