Sienna Miller draumkennd í Gucci

Breska leikkonan Sienna Miller mætti á frumsýningu kvikmyndarinnar Live by Night í vikunni í þessum áhugaverða kjól frá Gucci. Kjóllinn sjálfur er mjög lýsandi fyrir Gucci stílinn sem er svo vinsæll í dag en hann er gulur og ljósblár með nóg af lögum. 

Þrátt fyrir að kjóllinn líti út fyrir að vera erfiður að bera þá tókst Siennu það snilldar vel. Hún hafði hárið niður í afslöppuðum stíl og bætti við eldrauðum varalit sem passaði vel við. Það er alltaf jafn gaman að fylgjast með Siennu á rauða dreglinum enda hittir hún nánast alltaf beint í mark.