Popovich gaf syni Sager fallega gjöf

Hinn hrjúfi þjálfari San Antonio Spurs, Gregg Popovich, hefur sýnt mjúku hliðarnar í kringum andlát íþróttafréttamannsins Craig Sager.

Popovich er þekktur fyrir að vera þurr og stuttur í spuna í viðtölum en gaf mikið af sér til Sager á síðustu mánuðum og hvatti hann til dáða í baráttunni við krabbamein.

Þó svo Spurs væri að spila í Texas sama dag og Sager var jarðsettur þá flaug Popovich til Georgíu í jarðarförina. Hann fór svo beint til Texas.

Gregg Popovich flew to Marietta, Ga., to be at Craig Sager’s memorial service this morning. The Spurs play in Houston tonight. pic.twitter.com/K01KHD9Uf2

— Ben Rohrbach (@brohrbach) December 20, 2016

Þeir sem mættu í jarðarförina voru beðnir um að mæta í áberandi klæðnaði í anda Sager sem var ávallt skrautlegur í tauinu.

Popovich á nú ekki mikið af skrautlegum fötum en mætti þó með skemmtilegt bindi.

Er hann snéri aftur til Georgíu til að spila við Atlanta var Popovich með bindið góða á hliðarlínunni.

Hann hitti svo son Sager eftir leikinn og gaf honum bindið. Það kunni sonurinn svo sannarlega að meta. Pop er greinilega mun mýkri að innan en flestir halda.

Didn't have time to see him at the funeral but met up after last night's game. He brought the tie he wore to the funeral w/ him to give me pic.twitter.com/4OKYwCVVdZ

— Craig Sager II (@CraigSagerJr) January 2, 2017