Lady Gaga kemur fram í stað Beyonce á Coachella

Í seinustu viku tilkynnti Beyonce að hún þyrfti að hætta við að koma fram á Coachella í apríl. Coachella er ein stærsta tónlistarhátíð í heimi en Beyonce átti að vera aðal númerið þar í ár. Ástæðan fyrir að hún þurfti að hætta við að spila er að hún er ólétt af tvíburum og læknarnir hennar ráðlögðu henni gegn því. 

Nú hafa talsmenn Coachelle tilkynnt að Lady Gaga muni ganga í hennar stað. Orðrómur um að Daft Punk mundi taka við keflinu var kominn á loft og því var ákveðið að tilkynna strax hver kæmi í staðin. 

Lady Gaga er afar vinsæl um þessar mundir en hún var aðal stjarna hálfleikssýningar Super Bowl fyrir tæpum mánuði síðan. Það eru þó líklegast margir sem eru svekktir að fá ekki að sjá Beyonce koma fram en hún hefur lofað því að koma fram á Coachella árið 2018.