Hlutabréf Icelandair lækkuðu þriðja daginn í röð

Gengi hlutabréfa Icelandair Group var 15,95 krónur á hlut við lokun markaða í dag og lækkuðu þau því í verði þriðja daginn í röð. Veltan með bréf flugfélagsins í dag var þó talsvert minni en dagana á undan, eða um 401 milljón króna, og lækkuðu bréfin um 1,54 prósent.

Virði hlutabréfanna hefur því lækkað úr 22,1 krónu á hlut niður í 15,95 síðan á þriðjudagsmorgun. Þann dag sendi Icelandair Group frá sér kolsvarta afkomuviðvörun og um 27 milljarðar af markaðsvirði félagsins þurrkuðust út á einum degi.