Fjöldi Airbnb íbúða í Reykjavík tæplega tvöfaldast milli ára Sæunn Gísladóttir skrifar 17. október 2016 14:15 Ein af hverjum átta íbúðum í 101 var í útleigu í gegnum Airbnb á hverjum degi í júlí árið 2016. Vísir/Anton Brink Deilihagkerfið hefur vaxið hratt undanfarin ár, en 3.049 eignir voru skráðar til útleigu á Airbnb í ágúst 2016 í Reykjavík, tæplega 80 prósent fleiri en í ágúst 2015. Á hverjum degi í júlí var ein af hverjum átta íbúðum í 101 Reykjavík í leigu til ferðamanna í gegnum Airbnb. Þetta kemur fram í nýrri greiningu Íslandsbanka, Íslenskur íbúðamarkaður 2016. Í greiningunni kemur fram að spáð sé 9,3 prósent hækkunar íbúðarverðs í ár, 11,4 prósent á næsta ári og um 6,6 prósent á árinu 2018. Jafnframt er spáð því að raunverð íbúðarhúsnæðis muni hækka um 7,8 prósent í ár, 9,7 prósent á næsta ári og um 3,4 prósent á árinu 2018. Ein ástæða hækkunar húsnæðisverðs um þessar mundir að mati greiningarinnar er hröð hækkun kaupmáttar, en vöxtur í ferðaþjónustu þrýstir einnig verði upp.Hlutfall íbúða í útleigu á Airbnb í júlí 2016 milli póstnúmeraÍ greiningunni segir að fjölgun ferðamanna og vöxtur ferðaþjónustunnar hér á landi hafi haft umtalsverð áhrif á eftirspurn eftir íbúðarhúsnæði á síðustu árum. Þar sem fjárfestingar í hótel- og gistirými hafi ekki fylgt eftir vextinum í fjölda ferðamanna, og sérstaklega ekki á vinsælustu gistisvæðunum t.d. á höfuðborgarsvæðinu, hafi skapast grundvöllur fyrir mikinn vöxt deilihagkerfisins undanfarið. Aukinni eftirspurn eftir gistirými hafi verið mætt að stórum hluta með framboði af íbúðarhúsnæði í gegnum deilihagkerfið. Má því segja að tilurð deilihagkerfisins hafi orðið á heppilegum tíma fyrir Ísland þar sem að óvíst er hvernig og hvort hægt hefði verið að taka á móti þeim fjölda sem ferðast hefur hingað til lands undanfarin ár án þess. Hefur deilihagkerfið þannig stutt dyggilega við vöxt íslenskrar ferðaþjónustu og sérstaklega á háannatímum þegar hótel og önnur gistiaðstaða er við nýtingarþolmörk.Hlutfall Airbnb íbúða og íbúðaverð fylgjast aðÞrátt fyrir að skráðum eignum á Airbnb hafi fjölgað hratt síðustu ár hefur nýtingarhlutfall þeirra einnig hækkað og umfang deilihagkerfisins í Reykjavík því vaxið mikið á skömmum tíma. Á hverjum degi í júlí árið 2016 var 1 af hverjum 23 íbúðum í Reykjavík í útleigu til ferðamanna í gegnum Airbnb, sem þýðir að um 4,4 prósent íbúðarhúsnæðis í Reykjavík í júlí var lögð undir þessa starfsemi. Íbúðaverð hefur verið hæst í miðborg Reykjavíkur, þá sérstaklega í póstnúmeri 101 þar sem eftirspurn eftir íbúðarhúsnæði er mest. Þegar hlutfall íbúða í útleigu á Airbnb af heildaríbúðum eftir póstnúmerum í Reykjavík er skoðað virðist hátt íbúðaverð og hátt hlutfall íbúða í útleigu á Airbnb fylgjast að einhverju leyti að. Þannig var til dæmis ein af hverjum átta íbúðum í 101 í útleigu í gegnum Airbnb á hverjum degi í júlí árið 2016, sem þýðir að tæp 12,5 prósent af heildarfjölda íbúða á svæðinu hafi verið verið lögð undir þennan þátt ferðaþjónustunnar. Þessu til viðbótar hefur fjölgun hótela og annars konar gistiþjónustu skert það lóðarframboð sem annars væri hægt að nýta fyrir fjölgun íbúðarhúsnæðis. Hefur því fjölgun ferðamanna og uppgangur ferðaþjónustunnar myndað þrýsting til hækkunar á íbúðaverði, sérstaklega miðsvæðis þar sem að ferðamenn vilja helst gista.Meðalfermetraverð er 462 þúsund krónur í 101 Reykjavík, samanborið við 74 þúsund í Bolungarvík.Meðalfermetraverð hækkað um allt að 29%Frá árinu 2010 hefur íbúðaverð á landinu verið að taka við sér. Meðalfermetraverð hefur hækkað mest síðan þá á höfuðborgarsvæðinu, eða um 29 prósent, þar á eftir á Norðurlandi eystra um 22 prósent. Það hefur lækkað um fjögur prósent á Norðurlandi vestra og um sjö prósent á Suðurnesjum.400 þúsund króna munur á hæsta og lægsta fermetraverðiMeðalfermetraverð á höfuðborgarsvæðinu nemur 346 þúsund krónum. Dýrasta hverfið er 101 Reykjavík þar sem meðalfermetraverð nemur 462 þúsund krónum, en ódýrasta hverfið er Breiðholt þar sem fermetraverð nemur 281 þúsund krónum. Meðalfermetraverð hefur hækkað um 48 prósent í 101 frá árinu 2010, en um 20 prósent í Breiðholtinu (109). Fermetraverð er lægst á Vestfjörðum þar sem það nemur 90 þúsund krónum. Það er dýrast á Ísafirði þar sem það nemur 100 þúsund krónum en ódýrast í Bolungarvík þar sem það nemur 74 þúsund krónum. Ferðamennska á Íslandi Tengdar fréttir BBC fjallar um húsnæðisvanda í Reykjavík vegna AirBnb Blaðamaður BBC lýsir samskiptum borgaryfirvalda og vefsíðna á borð við AirBnb sem stríði. 14. ágúst 2016 22:01 Airbnb-lögin samþykkt: Heimilt að sekta um allt að milljón Frá og með næstu áramótum verður heimilt að leigja út íbúðir sínar án rekstrarleyfis í allt að níutíu daga á ári. 2. júní 2016 12:30 Lítið framboð fasteigna hefur hægt á markaðinum Þrátt fyrir uppsveiflu í efnahagslífinu og verðhækkanir á fasteignamarkaði er samdráttur í sölu fasteigna. 17. október 2016 10:00 Svona lítur Airbnb-borgin Reykjavík út Sjáðu hvernig leiguíbúðir á Airbnb teygja sig um allt höfuðborgarsvæðið. 11. nóvember 2015 10:30 Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Mun bjóða upp á sömu flugáætlun og Bláfugl áður Viðskipti innlent Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Röntgen Domus og Orkuhúsið fá ekki að sameinast Viðskipti innlent Eyða 42 milljörðum í hrekkjavökubúninga á gæludýrin sín Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Deilihagkerfið hefur vaxið hratt undanfarin ár, en 3.049 eignir voru skráðar til útleigu á Airbnb í ágúst 2016 í Reykjavík, tæplega 80 prósent fleiri en í ágúst 2015. Á hverjum degi í júlí var ein af hverjum átta íbúðum í 101 Reykjavík í leigu til ferðamanna í gegnum Airbnb. Þetta kemur fram í nýrri greiningu Íslandsbanka, Íslenskur íbúðamarkaður 2016. Í greiningunni kemur fram að spáð sé 9,3 prósent hækkunar íbúðarverðs í ár, 11,4 prósent á næsta ári og um 6,6 prósent á árinu 2018. Jafnframt er spáð því að raunverð íbúðarhúsnæðis muni hækka um 7,8 prósent í ár, 9,7 prósent á næsta ári og um 3,4 prósent á árinu 2018. Ein ástæða hækkunar húsnæðisverðs um þessar mundir að mati greiningarinnar er hröð hækkun kaupmáttar, en vöxtur í ferðaþjónustu þrýstir einnig verði upp.Hlutfall íbúða í útleigu á Airbnb í júlí 2016 milli póstnúmeraÍ greiningunni segir að fjölgun ferðamanna og vöxtur ferðaþjónustunnar hér á landi hafi haft umtalsverð áhrif á eftirspurn eftir íbúðarhúsnæði á síðustu árum. Þar sem fjárfestingar í hótel- og gistirými hafi ekki fylgt eftir vextinum í fjölda ferðamanna, og sérstaklega ekki á vinsælustu gistisvæðunum t.d. á höfuðborgarsvæðinu, hafi skapast grundvöllur fyrir mikinn vöxt deilihagkerfisins undanfarið. Aukinni eftirspurn eftir gistirými hafi verið mætt að stórum hluta með framboði af íbúðarhúsnæði í gegnum deilihagkerfið. Má því segja að tilurð deilihagkerfisins hafi orðið á heppilegum tíma fyrir Ísland þar sem að óvíst er hvernig og hvort hægt hefði verið að taka á móti þeim fjölda sem ferðast hefur hingað til lands undanfarin ár án þess. Hefur deilihagkerfið þannig stutt dyggilega við vöxt íslenskrar ferðaþjónustu og sérstaklega á háannatímum þegar hótel og önnur gistiaðstaða er við nýtingarþolmörk.Hlutfall Airbnb íbúða og íbúðaverð fylgjast aðÞrátt fyrir að skráðum eignum á Airbnb hafi fjölgað hratt síðustu ár hefur nýtingarhlutfall þeirra einnig hækkað og umfang deilihagkerfisins í Reykjavík því vaxið mikið á skömmum tíma. Á hverjum degi í júlí árið 2016 var 1 af hverjum 23 íbúðum í Reykjavík í útleigu til ferðamanna í gegnum Airbnb, sem þýðir að um 4,4 prósent íbúðarhúsnæðis í Reykjavík í júlí var lögð undir þessa starfsemi. Íbúðaverð hefur verið hæst í miðborg Reykjavíkur, þá sérstaklega í póstnúmeri 101 þar sem eftirspurn eftir íbúðarhúsnæði er mest. Þegar hlutfall íbúða í útleigu á Airbnb af heildaríbúðum eftir póstnúmerum í Reykjavík er skoðað virðist hátt íbúðaverð og hátt hlutfall íbúða í útleigu á Airbnb fylgjast að einhverju leyti að. Þannig var til dæmis ein af hverjum átta íbúðum í 101 í útleigu í gegnum Airbnb á hverjum degi í júlí árið 2016, sem þýðir að tæp 12,5 prósent af heildarfjölda íbúða á svæðinu hafi verið verið lögð undir þennan þátt ferðaþjónustunnar. Þessu til viðbótar hefur fjölgun hótela og annars konar gistiþjónustu skert það lóðarframboð sem annars væri hægt að nýta fyrir fjölgun íbúðarhúsnæðis. Hefur því fjölgun ferðamanna og uppgangur ferðaþjónustunnar myndað þrýsting til hækkunar á íbúðaverði, sérstaklega miðsvæðis þar sem að ferðamenn vilja helst gista.Meðalfermetraverð er 462 þúsund krónur í 101 Reykjavík, samanborið við 74 þúsund í Bolungarvík.Meðalfermetraverð hækkað um allt að 29%Frá árinu 2010 hefur íbúðaverð á landinu verið að taka við sér. Meðalfermetraverð hefur hækkað mest síðan þá á höfuðborgarsvæðinu, eða um 29 prósent, þar á eftir á Norðurlandi eystra um 22 prósent. Það hefur lækkað um fjögur prósent á Norðurlandi vestra og um sjö prósent á Suðurnesjum.400 þúsund króna munur á hæsta og lægsta fermetraverðiMeðalfermetraverð á höfuðborgarsvæðinu nemur 346 þúsund krónum. Dýrasta hverfið er 101 Reykjavík þar sem meðalfermetraverð nemur 462 þúsund krónum, en ódýrasta hverfið er Breiðholt þar sem fermetraverð nemur 281 þúsund krónum. Meðalfermetraverð hefur hækkað um 48 prósent í 101 frá árinu 2010, en um 20 prósent í Breiðholtinu (109). Fermetraverð er lægst á Vestfjörðum þar sem það nemur 90 þúsund krónum. Það er dýrast á Ísafirði þar sem það nemur 100 þúsund krónum en ódýrast í Bolungarvík þar sem það nemur 74 þúsund krónum.
Ferðamennska á Íslandi Tengdar fréttir BBC fjallar um húsnæðisvanda í Reykjavík vegna AirBnb Blaðamaður BBC lýsir samskiptum borgaryfirvalda og vefsíðna á borð við AirBnb sem stríði. 14. ágúst 2016 22:01 Airbnb-lögin samþykkt: Heimilt að sekta um allt að milljón Frá og með næstu áramótum verður heimilt að leigja út íbúðir sínar án rekstrarleyfis í allt að níutíu daga á ári. 2. júní 2016 12:30 Lítið framboð fasteigna hefur hægt á markaðinum Þrátt fyrir uppsveiflu í efnahagslífinu og verðhækkanir á fasteignamarkaði er samdráttur í sölu fasteigna. 17. október 2016 10:00 Svona lítur Airbnb-borgin Reykjavík út Sjáðu hvernig leiguíbúðir á Airbnb teygja sig um allt höfuðborgarsvæðið. 11. nóvember 2015 10:30 Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Mun bjóða upp á sömu flugáætlun og Bláfugl áður Viðskipti innlent Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Röntgen Domus og Orkuhúsið fá ekki að sameinast Viðskipti innlent Eyða 42 milljörðum í hrekkjavökubúninga á gæludýrin sín Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
BBC fjallar um húsnæðisvanda í Reykjavík vegna AirBnb Blaðamaður BBC lýsir samskiptum borgaryfirvalda og vefsíðna á borð við AirBnb sem stríði. 14. ágúst 2016 22:01
Airbnb-lögin samþykkt: Heimilt að sekta um allt að milljón Frá og með næstu áramótum verður heimilt að leigja út íbúðir sínar án rekstrarleyfis í allt að níutíu daga á ári. 2. júní 2016 12:30
Lítið framboð fasteigna hefur hægt á markaðinum Þrátt fyrir uppsveiflu í efnahagslífinu og verðhækkanir á fasteignamarkaði er samdráttur í sölu fasteigna. 17. október 2016 10:00
Svona lítur Airbnb-borgin Reykjavík út Sjáðu hvernig leiguíbúðir á Airbnb teygja sig um allt höfuðborgarsvæðið. 11. nóvember 2015 10:30