Milljón gæti misst vinnuna ef Bretland yfirgefur ESB Sæunn Gísladóttir skrifar 22. mars 2016 07:00 Skiptar skoðanir eru um aðild Breta að ESB, David Cameron forsætisráðherra styður viðveru en Boris Johnson, borgarstjóri Lundúna, vill yfirgefa ESB. vísir/EPA Samkvæmt nýrri rannsókn viðskiptahóps breska iðnaðarsambandsins, CBI, gæti útganga Breta úr Evrópusambandinu, svokallað „Brexit“, kostað ríkið um 100 milljarða breskra punda, eða 12.500 milljarða íslenskra króna, atvinnuleysi gæti aukist í kjölfarið, allt að 950 þúsund misst vinnuna og hagvöxtur dregist saman. Stuðningsmenn útgöngu telja hins vegar að mikill efnahagslegur ávinningur sé af útgöngu þar sem markaðir geta verið frjálsari þegar þeir þurfa ekki að lúta hörðum reglugerðum Evrópusambandsins. Skiptar skoðanir eru um ágæti þess að Bretland yfirgefi Evrópusambandið. Samkvæmt könnun The Financial Times sem náði til rúmlega hundrað hagfræðinga töldu hins vegar yfir þrír fjórðu að útgangan hefði neikvæð efnahagsleg áhrif, en einungis átta prósent töldu hana hafa góð áhrif. Erfitt er þó að fullyrða um áhrifin í ljósi þess að ekkert land hefur áður yfirgefið Evrópusambandið og því ríkir gríðarleg óvissa um áhrifin.Tilkynnt var í lok febrúar að kosið yrði um málefnið þann 23. júní næstkomandi. Talsmenn útgöngu telja að með því að geta endursamið út frá eigin forsendum, bæði við lönd innan ESB og utan þess, gæti Bretland komið á fót betri fríverslunarsamningum og því myndi aukin hagsæld ríkja á fjármálamörkuðum. Þeir sem eru andsnúnir útgöngu benda hins vegar á að fjárfestar gætu haft minni áhuga á breskum markaði ef hann veitti ekki einnig aðgang að Evrópusambandsmarkaði. Ein meginástæða þess að margir eru andsnúnir aðild er hversu dýr þátttakan getur verið. Beinn kostnaður Breta vegna aðildar árið 2014 nam 8,5 milljörðum punda, jafnvirði 1.500 milljarða íslenskra króna. Tilkynningin um kosningarnar hefur nú þegar valdið ólgu í Bretlandi. Dregið hefur úr fjárfestingaráformum innan Bretlands og gengi hlutabréfa og pundsins hefur lækkað (líkt og gerðist í aðdraganda sjálfstæðiskosninga í Skotlandi árið 2014). CBI spáir því að útgöngu muni fylgja 2-3 prósentum meira atvinnuleysi. Stuðningsmenn útgöngu benda hins vegar á að ef færri aðfluttir setjast að í Bretlandi gætu laun hækkað og störfum í boði fyrir Breta fjölgað. Auk þess gætu bresk fyrirtæki þá handvalið erlenda starfsmenn eftir sérfræðiþekkingu. Samkvæmt nýjustu könnunum skiptast atkvæðin með eða á móti útgöngu Bretlands í tvennt. Aftur á móti hafa tuttugu prósent landsmanna ekki gert upp hug sinn varðandi kosningarnar, samkvæmt heimildum AFP. Fréttin birtist fyrst í Fréttablaðinu 22. mars. Brexit Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Samkvæmt nýrri rannsókn viðskiptahóps breska iðnaðarsambandsins, CBI, gæti útganga Breta úr Evrópusambandinu, svokallað „Brexit“, kostað ríkið um 100 milljarða breskra punda, eða 12.500 milljarða íslenskra króna, atvinnuleysi gæti aukist í kjölfarið, allt að 950 þúsund misst vinnuna og hagvöxtur dregist saman. Stuðningsmenn útgöngu telja hins vegar að mikill efnahagslegur ávinningur sé af útgöngu þar sem markaðir geta verið frjálsari þegar þeir þurfa ekki að lúta hörðum reglugerðum Evrópusambandsins. Skiptar skoðanir eru um ágæti þess að Bretland yfirgefi Evrópusambandið. Samkvæmt könnun The Financial Times sem náði til rúmlega hundrað hagfræðinga töldu hins vegar yfir þrír fjórðu að útgangan hefði neikvæð efnahagsleg áhrif, en einungis átta prósent töldu hana hafa góð áhrif. Erfitt er þó að fullyrða um áhrifin í ljósi þess að ekkert land hefur áður yfirgefið Evrópusambandið og því ríkir gríðarleg óvissa um áhrifin.Tilkynnt var í lok febrúar að kosið yrði um málefnið þann 23. júní næstkomandi. Talsmenn útgöngu telja að með því að geta endursamið út frá eigin forsendum, bæði við lönd innan ESB og utan þess, gæti Bretland komið á fót betri fríverslunarsamningum og því myndi aukin hagsæld ríkja á fjármálamörkuðum. Þeir sem eru andsnúnir útgöngu benda hins vegar á að fjárfestar gætu haft minni áhuga á breskum markaði ef hann veitti ekki einnig aðgang að Evrópusambandsmarkaði. Ein meginástæða þess að margir eru andsnúnir aðild er hversu dýr þátttakan getur verið. Beinn kostnaður Breta vegna aðildar árið 2014 nam 8,5 milljörðum punda, jafnvirði 1.500 milljarða íslenskra króna. Tilkynningin um kosningarnar hefur nú þegar valdið ólgu í Bretlandi. Dregið hefur úr fjárfestingaráformum innan Bretlands og gengi hlutabréfa og pundsins hefur lækkað (líkt og gerðist í aðdraganda sjálfstæðiskosninga í Skotlandi árið 2014). CBI spáir því að útgöngu muni fylgja 2-3 prósentum meira atvinnuleysi. Stuðningsmenn útgöngu benda hins vegar á að ef færri aðfluttir setjast að í Bretlandi gætu laun hækkað og störfum í boði fyrir Breta fjölgað. Auk þess gætu bresk fyrirtæki þá handvalið erlenda starfsmenn eftir sérfræðiþekkingu. Samkvæmt nýjustu könnunum skiptast atkvæðin með eða á móti útgöngu Bretlands í tvennt. Aftur á móti hafa tuttugu prósent landsmanna ekki gert upp hug sinn varðandi kosningarnar, samkvæmt heimildum AFP. Fréttin birtist fyrst í Fréttablaðinu 22. mars.
Brexit Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira