Jókerinn Jared Leto Stefán Þór Hjartarson skrifar 4. ágúst 2016 09:45 Jared Leto ásamt meðleikurum sínum úr Suicide Squad. Ætli Jared sé enn í karakter? Ofurhetjumyndin Suicide Squad – eða kannski réttara að segja ofurillmennamyndin – er líklega gefin út sem svar DC við Guardians of the Galaxy og Deadpool, myndum keppinautarins Marvel. Hetjurnar í myndinni eru í raun illmenni – þar er leikið með andhetjuminnið sem virðist falla ansi vel í kramið hjá aldamótabörnum sem eru löngu komin með leiða á hetjum eins og Superman sem gera aldrei neitt rangt og félaga hans Batman sem, þrátt fyrir að hafa fyrst komið fram sem myrkur og töff karakter, er með mjög strangar siðferðisreglur. Í myndum Marvel er hins vegar fjallað um morðingja og þjófa sem segja dónabrandara og brjóta fjórða vegginn villt og galið. Í Sjálfsmorðssveitinni eru persónur sem auðveldlega gætu skipað sér í hóp með Deadpool og fleirum sem óútreiknanlegir og siðferðislega brenglaðir karakterar, svokölluð „wild cards“, og þar fer fremst í flokki eitt vinsælasta illmenni samtímans og ásinn í ermi DC – Jókerinn. Fyrir frumsýningu Suicide Squad var mikið gert úr þeim mikla undirbúningi sem Jared Leto átti að hafa gengið í gegnum fyrir hlutverk sitt sem Jókerinn. Sögur fóru á kreik á internetinu þar sem því var lýst hvernig Jared Leto lifði og hrærðist í gervi Jókersins – enda þurfti leikarinn að fylla upp í ansi stór spor – Heath Ledger sló í gegn í hlutverkinu í kvikmyndinni The Dark Knight og á undan því var það Jack Nicholson sem brá sér í gervið fyrir útgáfu Tims Burton af Batman. Meðleikarar hans í myndinni töluðu um að hann væri alltaf í karakter á tökustað – Will Smith sagði í viðtali að hann hefði í raun aldrei hitt manneskjuna Jared Leto meðan á tökum stóð, Margot Robbie fékk senda lifandi rottu frá leikaranum og Leto átti víst að hafa hitt morðingja, geðsjúklinga og geðlækna til að skilja Jókerinn betur. Á flestum meðleikurum hans var að heyra að þeir væru ekki sáttir við Jared og fannst hann frekar pirrandi og jaðraði hegðun hans jafnvel við áreitni. Aðdáendur Jókersins virðast þó mjög sáttir – enda hefur lengi vel verið gert mikið úr Snillingum leiklistarinnar sem nota óhefðbundnar aðferðir við að koma sér í karakter. Þetta er svokallað „method acting“. Því skýtur það nokkuð skökku við að nú þegar myndin hefur loksins verið frumsýnd taka að hrúgast inn mjög vondir dómar um hana og er hún sögð samhengislaus og illa gerð. Sérstaka athygli vekur að Jókerinn, sem Snillingurinn Jared Leto lét yfirtaka líf sitt, kemur mjög lítið fyrir í myndinni og þrátt fyrir allt púlið fyrir hlutverkið vekur það enga sérstaka athygli – Margot Robbie sýnir hins vegar góðan leik og auk hennar fær Viola Davis mikið lof. Í kringum þær hefur þó aldrei verið nein jákvæð umræða eins og var í kringum Jared Leto – enda er það ávallt svo með goðsögnina um Snillinginn sem beitir óhefðbundnum aðferðum til að komast í karakter – hann er nánast undantekningalaust karlmaður. Uppátæki Jareds Leto hljóma eftir á að hyggja eins og auglýsingabrella eða jafnvel tilraun leikarans til að gera sína túlkun jafn eftirminnilega og forvera sinna. Goðsögnin Sir Laurence Olivier sagði eitt sinn að leiklist snerist um að „læra línurnar sínar og passa sig að rekast ekki í húsgögnin“ – hann sendi örugglega aldrei neinum meðleikurum rottur. Mest lesið Upplifði stöðugan ótta við helvíti í samfélagi múslima í Svíþjóð Lífið Fékk lífið til baka á korteri eftir tólf ár af sársauka Lífið Troðningur á yfirfullri opnun: „Þetta var svolítið kreisí“ Lífið Betra að vera blankur nemi í New York Lífið Pétur Kr. og Ingibjörg selja 270 fermetra eign við Ægisíðu Lífið Með blæðandi hjarta og ber örin með stolti Lífið Áslaug Arna kom alblóðug inn í sjúkratjaldið Lífið „Get ekki hætt að hugsa um bragðarefinn sem hann pantaði“ Lífið Gisti hálft ár á sófum hjá bekkjarfélögum Lífið Aldrei of seint að prófa sig áfram Tíska og hönnun Fleiri fréttir Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða „Get ekki hætt að hugsa um bragðarefinn sem hann pantaði“ Langþráður draumur verður að veruleika Samsæriskenningar notaðar sem stjórntæki Stjörnulífið: „Dagur sem mun aldrei gleymast“ Gisti hálft ár á sófum hjá bekkjarfélögum Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sjá meira
Ofurhetjumyndin Suicide Squad – eða kannski réttara að segja ofurillmennamyndin – er líklega gefin út sem svar DC við Guardians of the Galaxy og Deadpool, myndum keppinautarins Marvel. Hetjurnar í myndinni eru í raun illmenni – þar er leikið með andhetjuminnið sem virðist falla ansi vel í kramið hjá aldamótabörnum sem eru löngu komin með leiða á hetjum eins og Superman sem gera aldrei neitt rangt og félaga hans Batman sem, þrátt fyrir að hafa fyrst komið fram sem myrkur og töff karakter, er með mjög strangar siðferðisreglur. Í myndum Marvel er hins vegar fjallað um morðingja og þjófa sem segja dónabrandara og brjóta fjórða vegginn villt og galið. Í Sjálfsmorðssveitinni eru persónur sem auðveldlega gætu skipað sér í hóp með Deadpool og fleirum sem óútreiknanlegir og siðferðislega brenglaðir karakterar, svokölluð „wild cards“, og þar fer fremst í flokki eitt vinsælasta illmenni samtímans og ásinn í ermi DC – Jókerinn. Fyrir frumsýningu Suicide Squad var mikið gert úr þeim mikla undirbúningi sem Jared Leto átti að hafa gengið í gegnum fyrir hlutverk sitt sem Jókerinn. Sögur fóru á kreik á internetinu þar sem því var lýst hvernig Jared Leto lifði og hrærðist í gervi Jókersins – enda þurfti leikarinn að fylla upp í ansi stór spor – Heath Ledger sló í gegn í hlutverkinu í kvikmyndinni The Dark Knight og á undan því var það Jack Nicholson sem brá sér í gervið fyrir útgáfu Tims Burton af Batman. Meðleikarar hans í myndinni töluðu um að hann væri alltaf í karakter á tökustað – Will Smith sagði í viðtali að hann hefði í raun aldrei hitt manneskjuna Jared Leto meðan á tökum stóð, Margot Robbie fékk senda lifandi rottu frá leikaranum og Leto átti víst að hafa hitt morðingja, geðsjúklinga og geðlækna til að skilja Jókerinn betur. Á flestum meðleikurum hans var að heyra að þeir væru ekki sáttir við Jared og fannst hann frekar pirrandi og jaðraði hegðun hans jafnvel við áreitni. Aðdáendur Jókersins virðast þó mjög sáttir – enda hefur lengi vel verið gert mikið úr Snillingum leiklistarinnar sem nota óhefðbundnar aðferðir við að koma sér í karakter. Þetta er svokallað „method acting“. Því skýtur það nokkuð skökku við að nú þegar myndin hefur loksins verið frumsýnd taka að hrúgast inn mjög vondir dómar um hana og er hún sögð samhengislaus og illa gerð. Sérstaka athygli vekur að Jókerinn, sem Snillingurinn Jared Leto lét yfirtaka líf sitt, kemur mjög lítið fyrir í myndinni og þrátt fyrir allt púlið fyrir hlutverkið vekur það enga sérstaka athygli – Margot Robbie sýnir hins vegar góðan leik og auk hennar fær Viola Davis mikið lof. Í kringum þær hefur þó aldrei verið nein jákvæð umræða eins og var í kringum Jared Leto – enda er það ávallt svo með goðsögnina um Snillinginn sem beitir óhefðbundnum aðferðum til að komast í karakter – hann er nánast undantekningalaust karlmaður. Uppátæki Jareds Leto hljóma eftir á að hyggja eins og auglýsingabrella eða jafnvel tilraun leikarans til að gera sína túlkun jafn eftirminnilega og forvera sinna. Goðsögnin Sir Laurence Olivier sagði eitt sinn að leiklist snerist um að „læra línurnar sínar og passa sig að rekast ekki í húsgögnin“ – hann sendi örugglega aldrei neinum meðleikurum rottur.
Mest lesið Upplifði stöðugan ótta við helvíti í samfélagi múslima í Svíþjóð Lífið Fékk lífið til baka á korteri eftir tólf ár af sársauka Lífið Troðningur á yfirfullri opnun: „Þetta var svolítið kreisí“ Lífið Betra að vera blankur nemi í New York Lífið Pétur Kr. og Ingibjörg selja 270 fermetra eign við Ægisíðu Lífið Með blæðandi hjarta og ber örin með stolti Lífið Áslaug Arna kom alblóðug inn í sjúkratjaldið Lífið „Get ekki hætt að hugsa um bragðarefinn sem hann pantaði“ Lífið Gisti hálft ár á sófum hjá bekkjarfélögum Lífið Aldrei of seint að prófa sig áfram Tíska og hönnun Fleiri fréttir Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða „Get ekki hætt að hugsa um bragðarefinn sem hann pantaði“ Langþráður draumur verður að veruleika Samsæriskenningar notaðar sem stjórntæki Stjörnulífið: „Dagur sem mun aldrei gleymast“ Gisti hálft ár á sófum hjá bekkjarfélögum Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sjá meira