Nýjar vikutölur úr laxveiðiánum

Landssamband Veiðifélaga birti nýjar tölur úr laxveiðiánum í gær og þar kemur greinilega fram að árið er vel yfir meðallagi.

Veiðin í ánum er búin að vera geysilega góð en er ekki að ná árinu í fyrra sem er eit af bestu veiðisumrum fyrr og síðar á Íslandi.  Núna eru fimm ár komnar yfir 1.000 laxa þegar júlí er hálfnaður og ennþá alla vega fjórar vikur eftir af veiðitíma sem yfirleitt er talinn vera aðaltíminn.  Það er kannski ekki hægt að tala um aðaltíma eða "prime time" lengur nema þá undir þeim formerkjum að um göngutíma sé að ræða því margar árnar eru með góða og jafna veiði út veiðitímann.

Vikuveiðin í ánum er búin að vera góð og sem dæmi um það má kannski nefna tvær ár.  Ytri Rangá er hæst af ánum sem er haldið uppi með sleppingum en þar veiddust 804 laxar í vikunni og svo er það Miðfjarðará sem skilar mestu vikuveiðinni af náttúrulegu ánum en þar veiddust 369 laxar í vikunni.  Tíu hæstu árnar eru eftirtaldar og heildarveiðin er í sviga: Ytri Rangá (1720),  Miðfjarðará (1077), Eystri Rangá (1442), Þverá/Kjarrá 1003 (282), Blanda (1300), Norðurá (801), Laxá í Aðald. (378), Langá (471), Haffjarðará (565), Laxá í Dölum (218).  Heildarlistann má síðan finna hér.