Fjórða þrefalda tvennan í röð

Russell Westbrook heldur áfram að eiga einstakt tímabil í NBA-deildinni en í nótt var hann með þrefalda tvennu fjórða leikinn í röð og í níunda sinn í vetur.

Hann er því enn með rúmlega þrefalda tvennu að meðaltali í leik hjá sér í vetur. Það er nákvæmlega ekkert eðlilegt við það.

Að þessu sinni skoraði hann 35 stig, tók 14 fráköst og gaf 11 stoðsendingar í sigri Oklahoma City Thunder á Washington. Sjá má tilþrif hans úr leiknum hér að ofan.

Risaleikur Karl Anthony Towns dugði ekki til fyrir Minnesota gegn New York. Towns skoraði 47 stig, tók 18 fráköst og varði þrjú skot í leiknum.

LA Lakers vann síðan uppgjör gömlu stórveldanna er það sótti Chicago heim. Lakers er 10-10 en Bulls er 10-7.

Úrslit:

Boston-Detroit  114-121

Toronto-Memphis  120-105

Chicago-LA Lakers  90-96

Oklahoma-Washington  126-115

Minnesota-NY Knicks  104-106

Dallas-San Antonio  87-94

Denver-Miami  98-106

Phoenix-Atlanta  109-107

Portland-Indiana  131-109

Staðan í NBA-deildinni.