HS Orka þarf ekki að selja Norðuráli

Gerðardómur hefur komist að þeirri niðurstöðu að orkusölusamningur milli HS Orku og Norðuráls Helguvíkur væri sökum tiltekinna kringumstæðna ekki lengur í gildi. Þetta er upplýst á vef HS Orku.

Þar kemur líka fram að samkvæmt niðurstöðu gerðardómsins eru lok samningsins ekki af völdum HS Orku og öllum gagnkröfum Norðuráls Helguvíkur ehf. í málinu var hafnað.

„Við erum ánægð að þetta langvinna mál sé nú að baki. Þessi niðurstaða mun gera okkur kleift að leita nýrra samningstækifæra á Íslandi án takmarkana eftir því sem ný orka verður til reiðu,“ er haft eftir Ásgeiri Margeirssyni forstjóra HS Orku hf. af þessu tilefni.