Renault Clio RS með 275 hestöfl

Renault kom á óvart í Mónakó Formúlu 1 kappakstrinum þegar fyrirtækið sýndi þar Clio RS 16 concept bíl, þ.e. kraftaútgáfu hins smávaxna Clio. Þar birtist hann með 220 hestafla 1,6 lítra vél og bar nafnið Renault Clio RS16 Trophy. Þá datt fáum í hug að þessi bíll væri undanfari framleiðslubíls í kraftaflokki úr smiðju Renault.

Renault ætlar reyndar að gera enn betur og vopna Clio RS framleiðslubílinn með 275 hestafla vél og skipta 1,6 lítra vélinni út fyrir 2,0 lítra vél sem togar 360 Nm. Það er sama vélin og finna má í stærri bróðurnum Renault Megane RS.

Kælibúnaður vélarinnar verður líka stærri en í tilraunabílnum. Sá bíll var 6 cm breiðari en hefðbundinn Clio og bólgnari bretti, en þær myndir sem náðst hafa af nýja bílnum er ekki með þau, en hinsvegar stóran vindkljúf að aftan sem þrýsta á bílnum betur niður í götuna og ekki veitir af með öll þessi hestöfl.

Renault gæti aðeins ætlað að framleiða þennan bíl í takmörkuðu upplagi til skamms tíma og með því yrði hann ekki í framleiðslulínu Renault til frambúðar. Með því fyrirkomulagi er hætt við því að keppst verði um að tryggja sér eintak af bílnum.