Viðskipti innlent

Íslendingar versla mun meira erlendis fyrir jólin

Sæunn Gísladóttir skrifar
Jólaverslun hefur farið kröftuglega af stað.
Jólaverslun hefur farið kröftuglega af stað. Vísir/Vilhelm
Kreditkortavelta Íslendinga erlendis í nóvember síðastliðnum var 25 prósentum meiri en í nóvember í fyrra og nam 9,6 milljörðum króna samkvæmt tölum Rannsóknarseturs verslunarinnar. Spurnir eru af töluverðri aukningu í innkaupaferðum Íslendinga til útlanda fyrir þessi jól vegna sterkrar stöðu íslensku krónunnar og því má gera ráð fyrir að hluti af jóla­innkaupunum fari þar fram.

Á móti þessari veltu kemur að greiðslukortavelta útlendinga hér á landi í nóvember nam 15,4 milljörðum króna sem er 68 prósenta aukning í kortaveltu frá nóvember í fyrra.

Jólaverslun fer af stað með krafti hér á landi. Sala á stórum raf- og heimilistækjum jókst um fjórðung frá sama mánuði í fyrra og var aukning í sölu minni raftækja, eins og sjónvörpum, um 15 prósent. Sala á húsgögnum var 17,3 prósent meiri en fyrir ári síðan. Sala á fötum og skóm tók svo mikinn kipp í nóvember.

Fréttin birtist fyrst í Fréttablaðinu.






Fleiri fréttir

Sjá meira


×