Óvænt úrslit urðu í mánudagsleik NFL-deildarinnar þar sem Minnesota Vikings sótti Chicago Bears heim.
Víkingarnir hafa verið á mikilli siglingu en sigldu í strand á Soldier Field í gær þar sem liðið tapaði frekar óvænt, 20-10.
Leikstjórnandinn Jay Cutler snéri aftur í lið Chicago eftir meiðsli í nótt og spilaði vel. Það var þó nýliðahlaupari liðsins, Jordan Howard, sem stal senunni með 153 jördum og snertimarki. Hér má sjá tilþrif hans í leiknum.
Vörn Chicago var í miklu stuði og felldi Sam Bradford, leikstjórnanda Vikings, alls fimm sinnum í leiknum.
Minnesota vann fimm fyrstu leiki sína á tímabilinu og var síðasta liðið í deildinni til þess að tapa leik. Nú er liðið búið að tapa tveimur í röð.
Þetta var annar sigur Chicago í vetur en liðið er búið að tapa sex leikjum.
Hér má sjá öll helstu tilþrif leiksins.
Birnirnir átu Víkingana
Henry Birgir Gunnarsson skrifar

Mest lesið






Svarar ekki Óskari Hrafni: „Ég tala bara úti á velli, ekki eftir á“
Íslenski boltinn

Liverpool semur við fyrrum liðsfélaga Stefáns Teits
Enski boltinn



ÍR-ingar gefa ekkert eftir og tóku toppsætið aftur af Njarðvík
Íslenski boltinn