Lausna leitað í sjómannadeilunni

Samninganefndir sjómanna og útvegsmanna komu til fundar hjá ríkissáttasemjara klukkan ellefu fyrir hádegi. Um er að ræða fyrsta fund deiluaðila frá því að samningur sem gerður var í síðasta mánuði var felldur í atkvæðagreiðslu sjómanna.

Deilendur voru þó ekki bjartsýnir fyrir fundinn á að deilan væri að leysast í bráð, en Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, og Vilhjálmur Birgisson, formaður Verkalýðsfélags Akraness, ræddu málið í Bítinu í morgun, en hlusta má á viðtali í spilaranum hér fyrir ofan.