Drónar henta öllum heimilum

Drónar verða sífellt vinsælli á heimilum landsmanna enda bjóða þeir upp á stórkostlega möguleika við tökur mynda og myndbanda sem tíðkuðust ekki áður fyrr. iStore í Kringlunni er sérverslun með Apple vörur en auk þess eini viðurkenndi dreifingar- og umboðsaðili DJI á Íslandi.

Að sögn Sigurðar Helgasonar, framkvæmdastjóra verslunarinnar, er DJI nokkurs konar „Apple drónaheimsins“ með um 80 prósent markaðshlutdeild á heimsvísu. 

„Við seljum gott úrval dróna í ýmsum verðflokkum frá DJI, allt frá smærri og ódýrum drónum á 84.990 kr. og alveg upp í stærstu drónanana sem kosta um 980 þúsund krónur en þeir eru helst ætlaðir fagfólki, t.d. í kvikmyndagerð."

Hagstæð verð

Verðin hjá iStore eru mjög hagstæð að sögn Sigurðar, nánast þau sömu og út í heimi enda er iStore í samkeppni við erlendar netverslanir.

„Okkur finnst mikilvægt að það komi fram í allri þessari neikvæðu umræðu um íslenska verslun. Einnig má nefna að munurinn á okkur og erlendum netverslunum er sá að viðskiptavinir okkar fá tveggja ára ábyrgð og ekki síður frábæra þjónustu.“

Skemmtilegt áhugamál

Phantom 4 dróninn kom til landsins í vor og hefur slegið í gegn að sögn Sigurðar.

„Phantom 4 hentar bæði áhugamönnum og fagfólki. Auk fjölskyldufólks er hann t.d. notaður af arkitektum, ljósmyndurum, fasteignasölum, bændum og veiðvörðum svo nokkrar starfsstéttir séu taldar upp. Hann kostar 169.900 krónur en er á sérstöku jólatilboði þessa dagana á 149.990 krónur.“

Sem fyrr segir njóta drónar sívaxandi vinsælda hjá fjölskyldum landsins.

„Fyrir marga eru þeir einfaldlega skemmtilegt áhugamál því með þeim er hægt að taka myndir og myndbönd frá sjónarhornum sem ekki voru möguleg áður, t.d. draumaskotið af fossinum eða öðrum náttúruperlum. Svo hefur mörg sófakartaflan breytt um lífsstíl, þar á meðal ég. Nú er ég úti öllum stundum, hvort sem það er innanbæjar eða út í náttúrunni, og alltaf með drónann með mér í leit að góðu myndefni.“

Nýjasta tryllitækið

Nýjasti dróninn er svo Phantom 4 Pro en hér fyrir neðan má sjá stórkostlegt myndband sem er tekið af eldgosi í Hawaii með tækinu.

„Þetta er nýjasta tryllitækið frá DJI, með svakalega góðri myndavél og er mjög ljósnæm með 60 ramma á sekúndu í 4K upplausn. Hann er einnig með árekstraskynjara allan hringinn þannig að maður þarf að  vera verulega lélegur flugstjóri til að klessa hann.“

Allar nánari upplýsingar um vörur iStore má finna á istore.is.