Fyrri ferð Herjólfs aflýst

Fyrri ferð Herjólfs, frá Vestmannaeyjum klukkan átta, og frá Þorlákshöfn klukkan 11.45 hefur verið aflýst vegna veðurs. Ekki hefur verið tekin ákvörðun um hvort seinni ferð dagsins verði farin en staðan verður metin á ný klukkan 14.

Farþegar sem áttu bókað í ferðina í dag eru beðnir um að hafa samband við afgreiðslu Herjólfs í síma 481-2800 til að láta færa sig í aðrar ferðir eða fá endurgreitt.

Innanlandsflugi frá Reykjavík hefur einnig verið frestað í dag. Einni ferð hefur verið aflýst en athugað verður með aðrar ferðir klukkan 11.15.