Glamour

Transmanneskja á forsíðu National Geographic í fyrsta sinn

Ritstjórn skrifar
Söguleg forsíða sem lætur mann fá gæsahúð.
Söguleg forsíða sem lætur mann fá gæsahúð. Mynd/National Geographic

Hin níu ára Avery Jackson er forsíðufyrirsæta sögulegs tölublaðs National Geography. Í 130 ára sögu blaðsins er hún fyrsta transmanneskjan sem prýðir forsíðuna. Í blaðinu er fjallað um þróunina á merkingu orðsins kyn og hvernig það er skilgreint. 

Avery vakti mikla athygli á seinasta ári þegar hún byrjaði að setja inn sín eigin myndbönd á youtube þar sem hún lýsti meðal annars fyrir áhorfendum hvernig hún áttaði sig á því að hún væri trans og hvernig hún sagði foreldrum sínum frá því. „Það besta við að vera stelpa er að nú þarf ég ekki lengur að þykjast vera strákur,“ segir Avery einlæg í viðtalinu.

Blaðið verður gefið út 27.desember og í kjölfarið kemur út heimildarmynd á vegum National Geographic og Katie Couric í febrúar um þetta sama málefni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.