Glamour

Frumsýning USELESS eftir ALVARA fór fram við góðar undirtektir

Ritstjórn skrifar
Innsetningin vakti mikla lukku.
Innsetningin vakti mikla lukku. Myndir/Eygló Gísla


Síðastliðið föstudagskvöld fór fram sýning á fata- og fylgihlutalínunni USELESS eftir hönnunarstúdíóið ALVARA, í rými Minor Coworking úti á Granda. Það voru margir sem létu sjá sig á þessari glæsilegu sýningu sem féll vel í kramið hjá áhorfendum.  


Sýningin var í formi innsetningar þar sem hljómsveitin aYia spilaði undir. USELESS er fata & fylgihlutalína úr hreindýraleðri. Innblástur línunnar er dreginn frá afslappaðri götutísku nútímakvenna sem kjósa að hafa þægindin í fyrirrúmi. 


Nafnið USELESS, er ætlað til að vekja athygli á sóun á verðmætum en á sama tíma hvetja notandann til þess að taka ábyrgð þegar kemur að tísku og innkaupum. ALVARA samanstendur af hönnuðunum Ágústu Sveinsdóttur og Elísabetu Karlsdóttur. 

Myndir frá innsetningunni eru teknar af Eygló Gísladóttur en Anna Maggý myndaði línuna fyrir sérstakt Zine sem var gefið út samhliða.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.