Matur

Avo­ca­do- og súkku­laðismá­kökur

Guðrún Jóna Stefánsdóttir skrifar
Uppskriftin dugar í um það bil tuttugu og fimm litlar smákökur.
Uppskriftin dugar í um það bil tuttugu og fimm litlar smákökur. Mynd/Hildur

Hildur Rut Ingimarsdóttir hefur brennandi áhuga á hollri og einfaldri matargerð.

Hildur er sniðug í eldhúsinu og er sífellt að prófa sig áfram. Hún gaf nýverið út matreiðslubókina Avocado en í henni eru uppskriftir sem allar eiga það sameiginlegt að innihalda avocado-ávöxtinn.

Fyrir jólin bakar Hildur mikið af smákökum og deilir hún hér uppskrift að avocado- og súkkulaðismákökum sem bragðast vel.



Súkkulaðismákökur

1 avocado

3 msk. akasíuhunang

2 msk. hnetusmjör

1 tsk. vanilludropar

1 egg

2 msk. kakóduft

100 gr suðusúkkulaði, gróft saxað eða súkkulaðidropar

Hrærið saman avocado, hunangi, hnetusmjöri, vanilludropum og eggi þangað til að blandan verður silkimjúk. Gott er að nota hrærivél. Bætið kakóduftinu við.

Að lokum er súkkulaðinu hrært saman við með skeið.

Setjið deigið með teskeið á bökunarplötu þakta bökunarpappír.

Bakið við 180°C í 10 mínútur.

Hildur Rut Ingimarsdóttir er sniðug í eldhúsinu, en hún gaf nýverið út bókina Avocado. Í bókinni eru uppskriftir sem allar eiga það sameiginlegt að innihalda avocado-ávöxtinn.Mynd/Ingimar Þór Friðriksson





Velkomin á Vísi. Þessi vefur notar vafrakökur. Sjá nánar.