Markús telur sig ekki hafa verið vanhæfan Nadine Guðrún Yaghi skrifar 5. desember 2016 19:04 Markús Sigurbjörnsson, forseti Hæstaréttar, innleysti á annan tug milljóna úr sjóði 9 á síðustu viðskiptadögum fyrir hrun. Hann átti í umfangsmiklum hlutabréfaviðskiptum á árunum fyrir hrun en hefur ekki vikið sæti í svokölluðum hrunmálum. Þetta kemur fram í gögnum frá slitastjórn Glitnis sem fréttastofa 365 hefur undir höndum. Markús var skipaður hæstaréttardómari frá 1. júlí 1994 og var varaforseti hæstaréttar 2002-2003. Þá var hann forseti Hæstaréttar 2004-2005 og svo aftur frá 2012. Í lok árs 2003 átti Markús rúma eina milljón hluti í Íslandsbanka sem síðar varð Glitnir sem nam um 11 milljónum að markaðsvirði. Á þeim tíma var hann 335. stærsti hluthafi Glitnis af rúmlega 11 þúsund hluthöfum. Þessar upplýsingar koma fram í minnisblaði úr gögnunum. Gögnin sýna að á árunum fyrir hrun hagnaðist Markús verulega á eignarhlut sínum. 5. janúar 2007 kemur Markús nýr inn í einkabankaþjónustu hjá Glitni og selur fljótlega eftir það nánast allan hlut sinn í bankanum fyrir um 44 milljónir. Til viðbótar við fjármagn frá sölu á hlutabréfum í Glitni kemur Markús með rúmlega 17 milljóna viðbótarfjármagn í einkabankaþjónustu Glitnis strax í upphafi. Þegar hér er komið við sögu er safn Markúsar orðið að um 60 milljónum. 68% einkasafns Markúsar var í Sjóði 9, 21% í sjóði 10 og 11 prósent í erlendum hlutabréfasjóðum. Samningur Markúsar við bankann var endurnýjaður 18. ágúst 2008 og voru viðskiptin nokkuð áhættusækin eða 50% í skuldabréfum, 25% í innlendum hlutabréfum og 25% í erlendum hlutabréfum. Umræddur sjóður 9 fjárfesti mest í skuldabréfum.Markús var skipaður hæstaréttardómari frá 1. júlí 1994.Vísir/pjeturSeldi á heppilegum tímaÍ lok júlí 2007 var eignasafn Markúsar rúmlega 65 milljónir. Í þeim mánuði fara hlutabréf um allan heim að lækka. Lækkun innlendra hlutabréfa hafði áhrif á eign Markúsar í sjóði 10 og hann varð að auka hlut sinn í sjóðnum í byrjun árs 2008 til að vera innan löglegra marka. Snemma árs 2008 flytur Markús 19% af eignum sínum úr Sjóði 9 og yfir í sjóð 1, skuldabréfasjóð sem fjárfesti líka í skuldabréfum útgefnum af stærstu fyrirtækjum landsins og svo sveitarfélögum. Gengi hlutabréfasjóða hélt áfram að lækka alt fram til lok september 2008, þegar atburðarás sem síðar leiddi til falls íslenska fjármálakerfisins fór af stað. Nokkrum dögum áður en Glitnir var þjóðnýttur losaði Markús töluverðar fjárhæðir úr Sjóði 9, fjórar milljónir þann 25. september 2008 og 11 milljónir 11. október 2008. Ljóst er að Markús seldi þessi bréf á einkar heppilegum tíma. Vitað er að upplýsingar um neyðarlögin voru farnar að leika út einhverjum dögum fyrir hrun, auk þess er sagt að neyðarlögin hafi verið skrifuð í viðskiptaráðuneytinu. Þeirri vinnu stýrði dóttir Árna Kolbeinssonar hæstaréttardómara, sem er samstarfsmaður Markúsar.Engin tilkynning um sölu bréfa MarkúsarDómarar við Hæstarétt eru æviráðnir og laun þeirra með því hæsta sem gerist hjá hinu opinbera. Er það meðal annars gert til að tryggja sjálfstæði þeirra. Samkvæmt reglum um aukastörf héraðs- og hæstaréttardómara eiga dómarar sem eignast hlutabréf að tilkynna nefnd um dómarastörf það. Séu þau meira en þriggja milljóna króna virði verður dómarinn að fá heimild fyrir þeirri eign frá nefndinni. Hjördís Hákonardóttir, formaður nefndarinnar, segir að samkvæmt þeim gögnum sem hún hafi undir höndum sé engin tilkynning um sölu bréfa Markúsar árið 2007. Hún segist þó ekki getað sagt til um það hvort umrædd bréf séu tilkynningarskyld án þess að kynna sér nánar gögn málsins. Þrátt fyrir að losa í Sjóði 9 tapaði Markús miklum fjármunum af fjárfestingu sinni í íslenskum hlutabréfum og skuldabréfum – einkum hlutabréf í bönkunum og fyrirtækjum, sem voru eigendur bankanna. Þrátt fyrir þetta hefur Markús ekki stigið til hliðar vegna vanhæfis í málum er varða bankana og nefnd fyrirtæki. Hvorki eftir hrun né fyrir hrun.Dæmdi í þremur málum gegn Glitni fyrir hrun Hann var meðal dómara í þremur málum sem voru höfðuð gegn Glitni fyrir hrun en þá var hann hluthafi í bankanum. Málunum var öllum vísað frá. Fjögur hrunsmál tengjast Glitni banka en í BK-44 málinu svokallaða voru stjórnendur bankans sakfelldir í Hæstarétti. Í málinu voru þeir Birkir Kristinsson, sem var starfsmaður einkabankaþjónustu Glitnis, Jóhannes Baldursson, sem var framkvæmdastjóri markaðsviðskipta, Elmar Svavarsson sem var verðbréfamiðlari og Magnús Arnar Arngrímsson, sem var framkvæmdastjóri fyrirtækjasviðs, ákærðir fyrir umboðssvik, markaðsmisnotkun og brot á lögum um ársreikninga. Allir voru þeir sakfelldir í Hæstarétti og fengu fangelsisdóma. Fimm hæstaréttardómarar dæmdu í málinu og var Markús einn þeirra. Þess ber að geta að Birkir og Jóhannes hafi starfað í deildinni sem sá um viðskipti Markúsar.Fréttastofa náði sambandi við Markús síðdegis í dag. Meðal annars sendi hann tölvupóst sem sýnir að hann hafi tilkynnt nefndinni um hluta viðskipta sínna. Markús vildi ekki veita viðtal vegna málsins. Mest lesið Játa frelsisviptingu og rán en hafna manndrápi Innlent Vön því að hringja í fullorðna karlmenn á fölskum forsendum Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Betra að borga tryggingarnar en að sitja uppi með allsherjartjón Innlent „Hann var hræddur, eiginlega alveg skíthræddur“ Innlent Fleiri fréttir Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Sjá meira
Markús Sigurbjörnsson, forseti Hæstaréttar, innleysti á annan tug milljóna úr sjóði 9 á síðustu viðskiptadögum fyrir hrun. Hann átti í umfangsmiklum hlutabréfaviðskiptum á árunum fyrir hrun en hefur ekki vikið sæti í svokölluðum hrunmálum. Þetta kemur fram í gögnum frá slitastjórn Glitnis sem fréttastofa 365 hefur undir höndum. Markús var skipaður hæstaréttardómari frá 1. júlí 1994 og var varaforseti hæstaréttar 2002-2003. Þá var hann forseti Hæstaréttar 2004-2005 og svo aftur frá 2012. Í lok árs 2003 átti Markús rúma eina milljón hluti í Íslandsbanka sem síðar varð Glitnir sem nam um 11 milljónum að markaðsvirði. Á þeim tíma var hann 335. stærsti hluthafi Glitnis af rúmlega 11 þúsund hluthöfum. Þessar upplýsingar koma fram í minnisblaði úr gögnunum. Gögnin sýna að á árunum fyrir hrun hagnaðist Markús verulega á eignarhlut sínum. 5. janúar 2007 kemur Markús nýr inn í einkabankaþjónustu hjá Glitni og selur fljótlega eftir það nánast allan hlut sinn í bankanum fyrir um 44 milljónir. Til viðbótar við fjármagn frá sölu á hlutabréfum í Glitni kemur Markús með rúmlega 17 milljóna viðbótarfjármagn í einkabankaþjónustu Glitnis strax í upphafi. Þegar hér er komið við sögu er safn Markúsar orðið að um 60 milljónum. 68% einkasafns Markúsar var í Sjóði 9, 21% í sjóði 10 og 11 prósent í erlendum hlutabréfasjóðum. Samningur Markúsar við bankann var endurnýjaður 18. ágúst 2008 og voru viðskiptin nokkuð áhættusækin eða 50% í skuldabréfum, 25% í innlendum hlutabréfum og 25% í erlendum hlutabréfum. Umræddur sjóður 9 fjárfesti mest í skuldabréfum.Markús var skipaður hæstaréttardómari frá 1. júlí 1994.Vísir/pjeturSeldi á heppilegum tímaÍ lok júlí 2007 var eignasafn Markúsar rúmlega 65 milljónir. Í þeim mánuði fara hlutabréf um allan heim að lækka. Lækkun innlendra hlutabréfa hafði áhrif á eign Markúsar í sjóði 10 og hann varð að auka hlut sinn í sjóðnum í byrjun árs 2008 til að vera innan löglegra marka. Snemma árs 2008 flytur Markús 19% af eignum sínum úr Sjóði 9 og yfir í sjóð 1, skuldabréfasjóð sem fjárfesti líka í skuldabréfum útgefnum af stærstu fyrirtækjum landsins og svo sveitarfélögum. Gengi hlutabréfasjóða hélt áfram að lækka alt fram til lok september 2008, þegar atburðarás sem síðar leiddi til falls íslenska fjármálakerfisins fór af stað. Nokkrum dögum áður en Glitnir var þjóðnýttur losaði Markús töluverðar fjárhæðir úr Sjóði 9, fjórar milljónir þann 25. september 2008 og 11 milljónir 11. október 2008. Ljóst er að Markús seldi þessi bréf á einkar heppilegum tíma. Vitað er að upplýsingar um neyðarlögin voru farnar að leika út einhverjum dögum fyrir hrun, auk þess er sagt að neyðarlögin hafi verið skrifuð í viðskiptaráðuneytinu. Þeirri vinnu stýrði dóttir Árna Kolbeinssonar hæstaréttardómara, sem er samstarfsmaður Markúsar.Engin tilkynning um sölu bréfa MarkúsarDómarar við Hæstarétt eru æviráðnir og laun þeirra með því hæsta sem gerist hjá hinu opinbera. Er það meðal annars gert til að tryggja sjálfstæði þeirra. Samkvæmt reglum um aukastörf héraðs- og hæstaréttardómara eiga dómarar sem eignast hlutabréf að tilkynna nefnd um dómarastörf það. Séu þau meira en þriggja milljóna króna virði verður dómarinn að fá heimild fyrir þeirri eign frá nefndinni. Hjördís Hákonardóttir, formaður nefndarinnar, segir að samkvæmt þeim gögnum sem hún hafi undir höndum sé engin tilkynning um sölu bréfa Markúsar árið 2007. Hún segist þó ekki getað sagt til um það hvort umrædd bréf séu tilkynningarskyld án þess að kynna sér nánar gögn málsins. Þrátt fyrir að losa í Sjóði 9 tapaði Markús miklum fjármunum af fjárfestingu sinni í íslenskum hlutabréfum og skuldabréfum – einkum hlutabréf í bönkunum og fyrirtækjum, sem voru eigendur bankanna. Þrátt fyrir þetta hefur Markús ekki stigið til hliðar vegna vanhæfis í málum er varða bankana og nefnd fyrirtæki. Hvorki eftir hrun né fyrir hrun.Dæmdi í þremur málum gegn Glitni fyrir hrun Hann var meðal dómara í þremur málum sem voru höfðuð gegn Glitni fyrir hrun en þá var hann hluthafi í bankanum. Málunum var öllum vísað frá. Fjögur hrunsmál tengjast Glitni banka en í BK-44 málinu svokallaða voru stjórnendur bankans sakfelldir í Hæstarétti. Í málinu voru þeir Birkir Kristinsson, sem var starfsmaður einkabankaþjónustu Glitnis, Jóhannes Baldursson, sem var framkvæmdastjóri markaðsviðskipta, Elmar Svavarsson sem var verðbréfamiðlari og Magnús Arnar Arngrímsson, sem var framkvæmdastjóri fyrirtækjasviðs, ákærðir fyrir umboðssvik, markaðsmisnotkun og brot á lögum um ársreikninga. Allir voru þeir sakfelldir í Hæstarétti og fengu fangelsisdóma. Fimm hæstaréttardómarar dæmdu í málinu og var Markús einn þeirra. Þess ber að geta að Birkir og Jóhannes hafi starfað í deildinni sem sá um viðskipti Markúsar.Fréttastofa náði sambandi við Markús síðdegis í dag. Meðal annars sendi hann tölvupóst sem sýnir að hann hafi tilkynnt nefndinni um hluta viðskipta sínna. Markús vildi ekki veita viðtal vegna málsins.
Mest lesið Játa frelsisviptingu og rán en hafna manndrápi Innlent Vön því að hringja í fullorðna karlmenn á fölskum forsendum Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Betra að borga tryggingarnar en að sitja uppi með allsherjartjón Innlent „Hann var hræddur, eiginlega alveg skíthræddur“ Innlent Fleiri fréttir Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Sjá meira