Gigi Hadid skipti fimm sinnum um föt á AMA verðlaununum

Ofurfyrirsætan Gigi Hadid var kynnir American Music Awards hátíðarinnar ásamt leikaranum Jay Pharoah. Þau stóðu sig prýðis vel og héldu uppi stemmningunni allt kvöldið á milli verðlaunaafhendinga og tónlistaratriða. 

Athygli vakti að Gigi klæddist fimm mismunandi dressum á sviðinu. Það verður að teljast ansi vel gert þar sem maður þarf að vera fljótur að skipta um föt á milli atriða. Hún ætti þó að vera orðin vön því enda búin að ganga á tískupöllunum fyrir helstu tískuhús heims á seinustu árum.