Glamour

Kendall klæddist sama kjól og Paris Hilton í 21 árs afmælinu

Ritstjórn skrifar
Kendall leitaði til sinnar innri Paris Hilton þegar hún valdi sér kjól fyrir afmælið sitt.
Kendall leitaði til sinnar innri Paris Hilton þegar hún valdi sér kjól fyrir afmælið sitt. Mynd/Skjáskot
Þegar Kendall Jenner hélt upp á 21 árs afmælið sitt í vikunni var ekkert til sparað. Hún klæddist sérsaumuðum kjól úr Swarovski kristölum sem er talinn hafa kostað 9.000 dollara. Ótrúlegt en satt, þá er þetta alveg eins kjóll og djamm drottningin Paris Hilton klæddist einmitt í 21 árs afmælinu sínu árið 2002. 

Það er ekki skrítið að vilja sækja innblástur til Hilton enda var hún á toppi ferilsins á þeim tíma sem hún klæddist kjólnum. 

Kjóllinn er úr kristölum og rétt hangir á líkamanum. Kendall klæddist glærum hælum við og var með hárið slegið og afslappað. Auðvitað nær Kendall, sem er sjálf á toppi ferilsins um þessar mundir, að láta svona kjól líta út fyrir að vera flottur.






Velkomin á Vísi. Þessi vefur notar vafrakökur. Sjá nánar.