Glamour

American Apparel gjaldþrota í annað sinn

Ritstjórn skrifar
Líklega ein af saklausustu auglýsingum American Apparel.
Líklega ein af saklausustu auglýsingum American Apparel. Mynd/American Apparel

Samkvæmt heimildum fjölmiðla vestanhafs er bandaríski fatarisinn American Apparel að undirbúa sitt annað gjaldþrot á tveimur árum. Það er óhætt að segja að reksturinn hafi gengið ansi illa frá því að allt fór til fjandans fyrir rúmum tveimur árum. 

Viðskiptavinir merkisins voru farnir að gagnrýna auglýsingar fyrirtækisins, sem hafa oft þótt ansi ósmekklegar og fannst fólki of mikið vera um hlutgervingar kvenna. Í kjölfarið losaði stjórn fyrirtækisins sig við Dov Charney, stofnanda merkisins. 

Síðan þá hefur ætlunin að vera að breyta áherslum fyrirtækisins og gera auglýsingarnar siðlegri. Það er greinilegt að það ætlar ekki að takast þar sem ekkert gengur að ná upp sölunni, þrátt fyrir að búið sé að loka hundruðum búða víða um heim. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.