Viðskipti innlent

Vilja ógilda rétt á vörumerkinu Iceland

Jón Hákon Halldórsson skrifar
Verslun Iceland á Íslandi.
Verslun Iceland á Íslandi. Vísir/Pjetur
Til greina kemur að höfða mál til þess að krefjast ógildingar á skráningu bresku matvöruverslanakeðjunnar Iceland á vörumerkinu Iceland í ríkjum innan Evrópusambandsins.

Samkvæmt heimildum Fréttablaðsins skoða Íslandsstofa, utanríkisráðuneytið og Samtök atvinnulífsins möguleikann á að leggja fram slíka kröfu í samstarfi við Árnason faktor. Síðastnefndi aðilinn sérhæfir sig í ráðgjöf vegna vörumerkjaskráninga og hugverkaréttinda.

Nokkur ár eru liðin frá því að fyrst var farið að huga að málinu en þá dagaði það uppi. Nú er aftur farið að huga að málinu og nú er ráðgert að aðilar muni funda hinn 28. september næstkomandi til að taka ákvarðanir um næstu skref.

Samkvæmt upplýsingum Fréttablaðsins hefur Íslandsstofa skráð vörumerkið Inspired by Iceland víða erlendis. Almennt hefur það gengið vel. Þó hafa borist andmæli þegar verið er að skrá vörumerkið fyrir vöruflokka sem skarast við þá vöruflokka sem vörumerki verslanakeðjunnar Iceland er skráð fyrir.

Rúm ellefu ár eru liðin frá því að Steingrímur J. Sigfússon, þáverandi formaður VG, gerði athugasemdir við það á Alþingi að fyrirtækið Iceland gerði nafn Íslands að vörumerki sínu.

Þá hafði Iceland sent inn umsókn um skráningu vörumerkisins hjá bresku einkaleyfastofunni og þeirri evrópsku. Steingrímur spurði Geir H. Haarde, þá starfandi utanríkisráðherra, hvernig hann ætlaði að bregðast við þessu.

Fréttin birtist fyrst í Fréttablaðinu






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
7,27
16
220.593
ORIGO
5,93
11
19.565
SVN
5,87
44
389.764
FESTI
5
5
65.291
ARION
4,83
78
2.402.791

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.