Harry Styles með endurkomu ársins á forsíðu Another Man

Ritstjórn skrifar 27. september 2016 17:00

Harry minnir óneitanlega meðlimi Bítlanna á þessari forsíðu. Myndir/Skjáskot

Það hefur nánast ekkert heyrst frá eða sést til One Direction söngvarans Harry Styles frá því í apríl á þessu ári. Hann hefur verið að leika í nýjustu kvikmynd Christopher Nolan sem ber nafnið Dunkirk í sumar og nú virðist vera eins og hann sé tilbúinn að stíga í sviðsljósið enn á ný.

Hann birti þrjár mismunandi forsíður fyrir vetrarútgáfu tímaritsins Another Man. Það er greinilegt að forsíðurnar eru innblásnar af drengjasveitunum Bítlunum, Rolling Stones og svo Elvis Presley.

Forsíðurnar eru allar flottar og við eigum erfitt með að gera upp með okkur hver er okkar uppáhalds. Inni í blöðunum er viðtal við Harry sem er tekið af Paul McCartney og Chelsea Handler sem er ekki hægt að telja slæmt. Blaðið á að lenda í búðum erlendis 29.september og vonandi fljótlega eftir það hér á Íslandi.