Innlent

Laus úr gæsluvarðhaldi

Samúel Karl Ólason skrifar
Vísir/Pjetur
Maður sem sakaður er um kynferðisbrot og alvarlega líkamsárás gegn konu í Vestmannaeyjum er laus úr haldi lögreglu. Honum var sleppt úr haldi eftir að Héraðsdómur Suðurlands neitaði kröfu lögreglunnar um áframhaldandi gæsluvarðhald vegna almannahagsmuna. Fyrri krafan um gæsluvarðhald byggði á rannsóknarhagsmunum og rann hún út klukkan fjögur í gær.

Tryggvi Ólafsson, lögreglufulltrúi, segir að rannsókn málsins miði áfram, en nú sé verið að bíða eftir ýmsum tæknirannsóknum. Verið sé að skoða lífsýni og annað og það taki tíma.

Konan fannst aðfaranótt sunnudagsins 18. september illa leikin, nakin og með líkamshita rétt yfir 35 gráðum á götum Heimaeyjar um fimm leytið fyrrnefndan laugardagsmorgun.

Líkamsárás í Vestmannaeyjum

Tengdar fréttir

Líkamsárásin í Eyjum: Lögreglan fer fram á áframhaldandi gæsluvarðhald

Lögreglustjórinn í Vestmannaeyjum hefur lagt fram kröfu um áframhaldandi gæsluvarðhald til Héraðsdóms Suðurlands yfir manni sem grunaður er um alvarlega líkamsárás og kynferðisbrot gegn konu í Eyjum síðastliðinn laugardag, en gæsluvarðhald yfir honum rennur út á morgun.

Konan sem varð fyrir árásinni í áfalli, segir fjölskyldan

Konan sem flutt var með sjúkraflugi frá Vestmannaeyjum um helgina eftir grófa líkamsárás er sögð í miklu andlegu áfalli og eiga erfitt með að tjá sig um atburðinn. Hæstiréttur dæmdi í gær 23 ára karlmann í gæsluvarðhald til laugardags.

Mest lesið


Fleiri fréttir

Sjá meira


×

Mest lesið