Körfubolti

Jón Arnór ekki með gegn Kýpur vegna meiðsla

Ingvi Þór Sæmundsson skrifar
Jón Arnór í leiknum gegn Sviss á miðvikudagskvöldið.
Jón Arnór í leiknum gegn Sviss á miðvikudagskvöldið. vísir/ernir
Jón Arnór Stefánsson leikur ekki með íslenska körfuboltalandsliðinu gegn því kýpverska í undankeppni EM 2017 í dag.

Jón Arnór er meiddur á hné og getur ekki tekið þátt í leiknum í dag.

Grindvíkingurinn Ólafur Ólafsson kemur inn í íslenska hópinn fyrir Jón Arnór.

Íslendingar eru með tvö stig í A-riðli eftir góðan sigur á Sviss, 88-72, á miðvikudaginn. Jón Arnór skoraði 11 stig í leiknum gegn Svisslendingum.

Kýpverjar töpuðu aftur á móti fyrir Belgíu í fyrsta leik sínum, 65-46.

Leikur Íslands og Kýpur hefst klukkan 14:00 að íslenskum tíma.

EM 2017 í Finnlandi Körfubolti

Mest lesið


Fleiri fréttir

Sjá meira


×

Mest lesið