Glamour

Lena Dunham og Jemima Kirke auglýsa nærföt

Ritstjórn skrifar
mynd/Lonely
Girls stjörnurnar Lena Dunham og Jemima Kirke eru í aðalhlutverki í nýjustu auglýsingaherferð nærfatamerkisins Lonely. Um er að ræða nýja vefauglýsingaherferð á vegum nýsjálenska merkisins sem á að sýna stelpur á nærfötunum í hversdagslegu umhverfi. 

„Við viljum sýna konur klæðast undirfötum öðruvísi en við erum vön að sjá þær í hefðbundnum auglýsingum og fjölmiðlum,“ segir í tilkynningu frá fyrirtækinu. 

Myndirnar í herferðinni eru ekker unnar í photoshop eða breyttar að neinu leyti en Helen Morris sem stofnaði Lonely árið 2009 undir þeim formerkjum að búa til fatnað fyrir konur að klæðast „eins og ástarbréf til sín.“

Flott herferð og flott mynd af stöllunum úr sjónvarpsþáttunum vinsælu. Þess má geta að Lonely nærfötin fást í verslun Jör hér á landi. 

Leikkonurnar á tökustað fyrir Girls.Glamour/Getty





×