Glamour

Taylor Hill er andlit haustherferðar Topshop

Ritstjórn skrifar
Fyrirsætan tekur sig vel út sem nýjasta andlit Topshop.
Fyrirsætan tekur sig vel út sem nýjasta andlit Topshop. Myndir/Instagram
Ofurfyrirsætan Taylor Hill hefur nú slegið í hóp kollega sinna á borð við Gigi Hadid, Cara Delevigne, Karlie Kloss og fleiri sem hafa verið andlit haustherferðar breska tískurisans Topshop. 

Taylor hefur risið til vinsælda á seinasta árinu en hún hefur meðal annars setið fyrir hjá Versus Versace, Miu Miu og tók þátt í Victoria's Secret tískusýningunni á seinasta ári. Hún er aðeins 20 ára gömul.

Topshop ræður yfirleitt til sín fyrirsætur á hraðri uppleið fyrir haustherferðir sínar og því var Taylor augljóst vel fyrir haustið 2016. Myndirnar voru teknar af ljósmyndaranum Giampaolo Sgura í New York og komu vægast sagt vel út. 

Herferðin er mjög mikið í anda fyrri Topshop auglýsinga.





×