Löng röð við Jóa útherja

Það er greinilegt að mikil eftirspurn er eftir íslensku landsliðstreyjunni á meðal þjóðarinnar en löng röð er nú við verslun Jóa útherja í Ármúla sem opnaði klukkan 21 í kvöld til að selja treyjur sem komu til landsins undir kvöld.

 

Treyjan er einnig til sölu í Músík og sport í Hafnarfirði og Ellingsen og var einnig opnað í þeim verslunum í kvöld. Einnig verður svo hægt að nálgast treyjuna í Intersport á morgun.

Meðfylgjandi mynd er tekin á bak við Jóa útherja í kvöld en eftir því sem Vísir kemst næst var svipað löng röð fyrir framan verslunina. Erfitt er að segja hversu margir eru í röðinni en viðmælandi Vísis taldi líklegt að um 200 manns hefðu verið mættir við verslunina í kvöld.

#röðin hjá Jóa Útherja rn pic.twitter.com/zjlsZmL0kn

— Viktor Lorange (@viktorlorange) July 2, 2016