Hættur eftir tvo daga í starfi

Þjálfaraferill Argentínumannsins Marcelo Bielsa hjá Lazio var í styttri kantinum.

Hann samdi við ítalska félagið á miðvikudag og er hættur í dag. Aðeins tveim dögum síðar.

Það kom mörgum á óvart að Bielsa skyldi semja við Lazio í vikunni þegar byrjað var að orða hann við argentínska landsliðið.

Eitthvað virðist hafa gerst síðan og menn velta eðlilega fyrir sér hvort hann ætli að taka við argentínska landsliðinu eftir allt saman.

Forráðamenn Lazio eru brjálaðir út í Bielsa og eru að íhuga að fara í mál við hann.

Simone Inzaghi hefur verið ráðinn þjálfari Lazio en hann stýrði liðinu síðustu tvo mánuði síðasta tímabils. Hann var svo settur til hliðar út af Bielsa en er kominn inn úr kuldanum.