Formúla 1

Carlos Sainz hjá Toro Rosso út 2017

Kristinn Ásgeir Gylfason skrifar
Carlos Sainz í evrópska kappakstrinum.
Carlos Sainz í evrópska kappakstrinum. Vísir/Getty
Carlos Sainz, ökumaður Toro Rosso verður áfram hjá liðinu samkvæmt Christian Horner, liðsstjóra Red Bull, sem er móðurlið Toro Rosso.

Red Bull valdi að færa fyrrum liðsfélaga Sainz, Max Verstappen upp til móðurliðsins, Red Bull. Daniil Kvyat var færður aftur til dótturliðsins, Toro Rosso til að búa til pláss fyrir ungstirnið Verstappen hjá Red Bull.

Sainz hefur ekið vel í keppnum ársins, hann hefur verið óheppinn með bilanir en er sem stendur í 14. sæti heimsmeistarakeppni ökumanna með 18 stig, á pari við Fernando Alonso samlanda sinn og fyrrum heimsmeistara. Alonso var mikil fyrirmynd Sainz á yngri árum.

„Já við ákváðum að nýta okkur ákvæði í samningi Sainz til að tryggja að hann verði innan Red Bull fjölskyldunnar næstu 12 mánuði,“ sagði Horner.

„Eins og allir ökumenn Red Bull fjölskyldunnar er hann á mála hjá okkur og við veljum svo hvar hann keyrir. Hann er auðvitað núna hjá Toro Rosso og hann verður þar á næsta ári,“ bætti Horner við.

Horner sagði að frestur til að nýta framlengingarákvæðið hefði verið út árið en liðið hafi viljað veita Sainz hugarró. Eins hefur líklega vakað fyrir Red Bull að halda í ökumanninn sem er ungur og efnilegur.

„Ég tel hann enn vera að þróast sem ökumann. Það er hægt að sjá á honum að hann er að fóta sig betur. Auk þess er enginn augljóslega farinn að þrýsta á að stela af honum sætinu,“ sagði Horner að lokum.

Austurríski kappaksturinn fer fram um helgina á Red Bull brautinni.

Hér fyrir neðan má sjá yfirlit yfir feril Carlos Sainz.


Tengdar fréttir

Bílskúrinn: Biðin í Bakú

Nico Rosberg á Mercedes vann fyrsta Formúlu 1 kappaksturinn sögunnar sem fram fór í Bakú. Hann hefur nú 24 stiga forskot á Lewis Hamilton á toppi heimsmeistarakeppni ökumanna.

Rosberg: Ég verð hjá Mercedes í mörg ár í viðbót

Nico Rosberg hefur slökkt á umræðunni um að hann vilji fara frá Mercedes liðinu. Stirð samskipti við liðsfélaga sinn og gríðarlegur launamunur voru taldar ástæður þess að hann vildi fara. Svo virðist ekki vera.

Arrivabene: Það væri bilun að einblína á 2017

Ferrari liðið þarf að halda athyglinni á yfirstandandi tímabili en ekki horfa eingöngu á 2017 samkvæmt Maurizio Arrivabene liðsstjóra Ferrari. Bilið í Mercedes er 81 stig.




Fleiri fréttir

Sjá meira


×