Glamour

Blóm og stórar slaufur stóðu uppúr hjá Gucci

Ritstjórn skrifar
Þetta er í fyrsta skiptið sem að tískusýning er haldin í þessari sögufrægu kirkju.
Þetta er í fyrsta skiptið sem að tískusýning er haldin í þessari sögufrægu kirkju. Myndir/Getty
Gucci sýndi cruise 2017 línuna sína í Westminister Abbey í London í dag við góðar viðtökur. Mikil spenna hefur verið fyrir sýningunni en þetta  er í fyrsta skiptið tískusýning er sýnd í þessari sögufrægu kirkju. 

Alessandro Michele, yfirhönnuður Gucci, sagði að staðsetningin hafi skipt miklu máli fyrir línuna enda er hún innblásin af breskri menningu. Alessandro bjó lengi í London þegar hann byrjaði fyrst hjá fyrirtækinu fyrir næstum 15 árum en hann segist elska menninguna og fólkið.

Línan einkennist af silkislæðum, blómamunstri, stórum jökkum, björtum og skemmtilegum litasamsetningum og að lokum pífum, sem er orðið eitt helsta einkennismerki Gucci frá því að Alessandro tók við fyrir næstum því tveimur árum. 

Fallega græn kápa með stórri rauðri slaufu og nælu. Stóru eyrnalokkarnir eru punkturinn yfir i-ið.
Skemmtilegur laxableikur kjóll með pífum. Þessi stíll er orðinn einkennandi fyrir Gucci.
Það var mikið um blómamunstur á sýningunni og ekki má gleyma Gucci beltunum.
Falleg rauð loðkápa, silkiklútur í stíl, nóg af skartgripum og stór gleraugu. Einkennismerki Gucci.
Blómamunstur og Gucci rendurnar passa vel saman.
ASAP Rocky og Alexa Chung sátu á fremstu röð í Westminister Abbey
Salma Hayek lét sig að sjálfsögðu ekki vanta.

Mest lesið




×

Mest lesið