Viðskipti erlent

Gengi pundsins sveiflast eftir könnunum

Þórdís Valsdóttir skrifar
Niðurstöður skoðanakannana um veru Bretlands í ESB hafa haft áhrif á gengi pundsins.
Niðurstöður skoðanakannana um veru Bretlands í ESB hafa haft áhrif á gengi pundsins.
Gengi sterlingspundsins lækkaði í gær gagnvart evru og bandaríkjadollar þegar birtar voru niðurstöður nokkurra skoðanakannana þar sem fram kemur að aukinn hluti Breta væri hlynntur útgöngu úr Evrópusambandinu.

Kannanir sýna að um 45% kjósenda vilja ganga úr ESB og 43% vilja vera áfram í því, þá eru 12% kjósenda óákveðin.

Sérfræðingar telja að gengi pundsins muni hrynja snögglega kjósi Bretland að yfirgefa sambandið. Samkvæmt breska HSBC-bankanum yrði fall pundsins 20%.



Greinin birtist fyrst í Fréttablaðinu 7. júní 2016 






Fleiri fréttir

Sjá meira


×