Glamour

Tískuelítan fagnaði 100 ára afmæli Vogue

Ritstjórn skrifar
Glamour/Getty

Breska tískuelítan ásamt smekklegum gestum víðs vegar af í heiminum var öll saman komin á 100 ára afmælisfögnuð breska Vogue. Yfir helgina fór fram svokallað Vogue Festival þar sem margir helstu reynsluboltar tískubransans voru með fyrirlestur.

Meðal þeirra sem komu fram voru meðal annars Kim Kardashian, Alessandro Michele yfirhönnuður Gucci, Grace Goodington fyrrum listrænn stjórnandi bandaríska Vogue, Isabel Marant og margir fleiri. 

Til þess að loka þessum stórhátíðarhöldum var haldið stórt og glæsilegt Vogue Gala ball þar sem gestir skemmtu sér langt fram á kvöld. Meðal gesta voru Kate Moss, Cheryl, Alexa Chung og fleiri en öll eiga þau sameiginlegt að hafa verið tíðir gestir í bresku útgáfunni af  frægasta tískutímariti heims. 

Skoðum gestalistann.

Kate Moss mætti í Alexander McQueen kjól sem var einstaklega flottur.
Lily Donaldson mætti í Prada kjól sem líktist fiskineti sem kom óvænt mjög vel út.
Alexa Chung mætti í fallegum gylltum Prada kjól. Hún var í svörtum sokkabuxum við kjólinn sem þykir óvenjulegt á galakvöldi en Chung kemst upp með allt.
Demi Moore leit vel út í þessum dökkfjólubláa glirtandi kjól.
Kim Kardashian mætti í hermannagrænum gegnsæum kjól sem vakti mikla athygli.
Söngkonan Cheryl var í öllu svörtu með dökkan varalit og slétt hár. Öðruvísi en hún er vön að vera á rauða dreglinum en samt sem áður virkilega flott.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.