Viðskipti innlent

True North eltir Matt Damon til Noregs

ingvar haraldsson skrifar
Leifur segir boðaða hækkun á endurgreiðslum vegna kvikmyndagerðar hér á landi þegar farna að hafa áhrif. Auk rekstursins hér fer fyrirtæki hans í samstarf við kvikmyndaframleiðandann Per Henry Borch í Noregi.
Leifur segir boðaða hækkun á endurgreiðslum vegna kvikmyndagerðar hér á landi þegar farna að hafa áhrif. Auk rekstursins hér fer fyrirtæki hans í samstarf við kvikmyndaframleiðandann Per Henry Borch í Noregi. Fréttablaðið/stefán

True North hyggst hefja starfsemi í Noregi á næstu misserum. Fyrirtækið hefur stofnað félag í Noregi undir nafninu True North Norway.

Leifur B. Dagfinnsson, stjórnarformaður True North, segir að bandaríska kvikmyndaverið Paramount og aðilar í Noregi hafi sett sig í samband við True North um að taka upp kvikmyndina Downsizing undir leikstjórn Alexanders Payne þar í landi. Leifur segir tökur hefjast í ágúst en meðal leikara í myndinni verða Matt Damon, Kristen Wiig, Christ­oph Waltz, Neil Patrick Harris, Alec Baldwin og Jason Sudeikis. „Í framhaldinu af því ákváðum við að slá til og bjóða upp á okkar þekkingu í Noregi,“ segir Leifur.

„Okkur finnst Noregur bjóða upp á þá aukavídd sem Ísland hefur kannski ekki. Þessa djúpu löngu firði, skóglendi og fallegt vegakerfi. Flutningakerfið þarna er mjög sterkt þótt þetta sé stórt landi,“ segir hann.

Matt Damon

„Við erum með áunna sérþekkingu í þessu og ætlum að nýta hana til þess að efla tengslin við Noreg.“

Leifur segir fyrirtækið í samstarfi við Per Henry Borch í Noregi, reynslumikinn kvikmyndaframleiðanda sem hafi tekið þátt í framleiðslu fjölda norskra mynda. „Það eru verkefni í skoðun núna sem eru jafnvel bæði með Noreg og Ísland inni.“

Leifur segir tækifærin í Noregi koma til nú þar sem landið bjóði upp á 25 prósent endurgreiðslur af kostnaði við kvikmyndagerð í landinu. Frumvarp um sömu endurgreiðslu hér á landi, 25 prósent, hefur verið lagt fram af iðnaðar- og viðskiptaráðherra á Alþingi. Endurgreiðslurnar á Íslandi í dag eru 20 prósent. „Ég held að með þessari væntanlegu hækkun í 25 prósent tökum við aftur við forystunni þar. Noregur er dýrt land og það þurfa að vera sérstakar ástæður fyrir því að farið sé þangað að mynda.“

Leifur segir True North þegar finna fyrir því að áhuginn á að taka upp erlendar kvikmyndir á Íslandi á næsta ári hafi aukist, samhliða væntri hækkun endurgreiðslna. Þar á meðal sé kvikmyndaverið Paramount sem True North mun vinna með í Noregi.

Paramount átti í deilum við íslensk stjórnvöld vegna endurgreiðslna af kvikmyndinni Noah sem tekin var upp hér á landi 2012. „Það er synd að þetta skyldi tefjast í þennan tíma,“ segir Leifur. Málið hafi endað með fullnaðarsigri Paramount, sem hafi fengið allt það fé endurgreitt sem farið hafi verið fram á. Á meðan á deilunum stóð hafi þeir hins vegar ekki viljað taka upp kvikmyndir hér á landi en það hafi nú breyst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.