Grófasti brandari sem Jimmy Carr hefur sagt - Myndband

Margir Íslendingar þekkja grínistann Jimmy Carr mjög vel enda hefur hann komið til landsins nokkrum sinnum og verið með uppistand.

Carr er nokkuð þekktur fyrir það að vera mjög grófur og virðist hann komast upp með það.

Á dögunum var Carr gestur í spjallþættinum The Green Room with Paul Provenza þar sem grínistar koma saman að tala bransa.

Í þættinum var hann spurður hvað væri grófasti brandari sem hann hafi skrifað og komið fram með á sýningum. Carr var ekki lengi að hugsa og lét brandarann flakka. Það má með sanni segja að þetta er mjög grófur brandari og af tillitsemi við suma lesendur verður hann ekki endurtekinn hér í þessari frétt. Aftur á móti má heyra hann hér að neðan.

Jimmy lét þessi orð flakka í september árið 2011 en myndbandið hér að neðan hefur allt í einu skotið kollinum upp og er mjög vinsælt á internetinu í dag.