Bristol Bullett er bresk fegurð Finnur Thorlacius skrifar 9. ágúst 2016 10:30 Svo vel eru þessir bílar Bristol Cars smíðaðir að af öllum þeim bílum sem fyrirtækið hefur smíðað í 71 árs sögu þess eru 70% þeirra ennþá á götunum. Bristol Cars er 71 árs lúxusbílaframleiðandi sem legið hefur í láginni og hefur ekki framleitt einn einasta bíl í 10 ár, en árið 2011 urðu eigendaskipti á fyrirtækinu. Allar götur síðan hefur verið unnið að smíði þessa bíls, Bristol Bullett. Hann er eins og fyrri bílar Bristol Cars, alger lúxusbíll með krafta í kögglum og ætlaður fjáðum kaupendum. Þessi blæjubíll er með 4,8 lítra V8 vél frá BMW sem er 370 hestöfl og tengd við annaðhvort beinskiptinu eða sjálfskiptingu sem báðar eru einnig frá BMW. Bíllinn er aðeins 3,8 sekúndur í 100 km hraða, enda vegur hann aðeins 1.100 kíló. Hámarkshraðinn er takmarkaður við 250 km/klst. Yfirbygging bílsins er að stórum hluta úr koltrefjum og innréttingin er afar ríkuleg, með pússuðu krómi, viðarleggingum og koltrefjaflötum og sætin eru úr hágæðaleðri. 70% bíla Bristol Cars enn á götunum Eins og margur blæjubíllinn er hann aðeins ætlaður fyrir tvo farþega. Bristol Cars ætlar að setja þennan fríða bíl á markað á næstu mánuðum og það mun gleðja margan áhugamanninn um breska sportbíla fortíðarinnar. Eins og áður hefur komið fram er Bristol Bullett ætlaður þeim efnameiri sem punga verða út 39 milljónum króna fyrir eintak af bílnum. Bílar Bristol Cars hafa ávallt verið handsmíðaðir og það á einnig við þennan bíl, en Bristol Cars hefur aldrei smíðað fleiri en 200 bíla á ári. Svo vel eru þessir bílar Bristol Cars smíðaðir að af öllum þeim bílum sem fyrirtækið hefur smíðað í 71 árs sögu þess eru 70% þeirra ennþá á götunum. Mest lesið Táningsstúlkan sem lést var að teyma íslenskan hest Erlent Hælisleitandi fór huldu höfði í þrjú ár og fleygði sér svo niður stiga Innlent Fjölskyldan franska sendi ættingjum erfðaskrá frá Íslandi Innlent Diddy sakfelldur í tveimur af fimm ákæruliðum Erlent Segja gengið á birgðirnar og hætta við vopnasendingar til Úkraínu Erlent Pilturinn áfrýjar ekki þyngsta mögulega dómi Innlent Játaði fjárdrátt og endurgreiðir samkvæmt samkomulagi Innlent Bubbi gerir sögulegan samning um eigin líkindi til allrar framtíðar Innlent Hiti á þingi: „Hættið þessu bara“ Innlent „Erum við að kenna börnunum okkar að vinna?“ Innlent
Bristol Cars er 71 árs lúxusbílaframleiðandi sem legið hefur í láginni og hefur ekki framleitt einn einasta bíl í 10 ár, en árið 2011 urðu eigendaskipti á fyrirtækinu. Allar götur síðan hefur verið unnið að smíði þessa bíls, Bristol Bullett. Hann er eins og fyrri bílar Bristol Cars, alger lúxusbíll með krafta í kögglum og ætlaður fjáðum kaupendum. Þessi blæjubíll er með 4,8 lítra V8 vél frá BMW sem er 370 hestöfl og tengd við annaðhvort beinskiptinu eða sjálfskiptingu sem báðar eru einnig frá BMW. Bíllinn er aðeins 3,8 sekúndur í 100 km hraða, enda vegur hann aðeins 1.100 kíló. Hámarkshraðinn er takmarkaður við 250 km/klst. Yfirbygging bílsins er að stórum hluta úr koltrefjum og innréttingin er afar ríkuleg, með pússuðu krómi, viðarleggingum og koltrefjaflötum og sætin eru úr hágæðaleðri. 70% bíla Bristol Cars enn á götunum Eins og margur blæjubíllinn er hann aðeins ætlaður fyrir tvo farþega. Bristol Cars ætlar að setja þennan fríða bíl á markað á næstu mánuðum og það mun gleðja margan áhugamanninn um breska sportbíla fortíðarinnar. Eins og áður hefur komið fram er Bristol Bullett ætlaður þeim efnameiri sem punga verða út 39 milljónum króna fyrir eintak af bílnum. Bílar Bristol Cars hafa ávallt verið handsmíðaðir og það á einnig við þennan bíl, en Bristol Cars hefur aldrei smíðað fleiri en 200 bíla á ári. Svo vel eru þessir bílar Bristol Cars smíðaðir að af öllum þeim bílum sem fyrirtækið hefur smíðað í 71 árs sögu þess eru 70% þeirra ennþá á götunum.
Mest lesið Táningsstúlkan sem lést var að teyma íslenskan hest Erlent Hælisleitandi fór huldu höfði í þrjú ár og fleygði sér svo niður stiga Innlent Fjölskyldan franska sendi ættingjum erfðaskrá frá Íslandi Innlent Diddy sakfelldur í tveimur af fimm ákæruliðum Erlent Segja gengið á birgðirnar og hætta við vopnasendingar til Úkraínu Erlent Pilturinn áfrýjar ekki þyngsta mögulega dómi Innlent Játaði fjárdrátt og endurgreiðir samkvæmt samkomulagi Innlent Bubbi gerir sögulegan samning um eigin líkindi til allrar framtíðar Innlent Hiti á þingi: „Hættið þessu bara“ Innlent „Erum við að kenna börnunum okkar að vinna?“ Innlent