Jón Tetzchner kaupir hús á Ísafirði undir ostagerð

Vivaldi Ísland ehf. hefur keypt mjólkurstöð Mjólkursamsölunnar á Ísafirði undir ostagerð. Greint er frá þessu vef ísfirska fréttamiðilsins Bæjarins besta en þar segir að félagið Vivaldi Íslands sé í eigu Jóns von Tetzchner sem er meðal hluthafa í mjólkurvinnslunnar Örnu sem hefur framleitt laktósafríar mjólkurvörur í Bolungarvík.

Mun Vivaldi leigja gömlu mjólkurvinnsluna til Örnu sem ætlar að nota hana undir framleiðslu á sérhæfðari ostum og þá sérstaklega ostagerð, að því er Hálfdán Óskarsson, framkvæmdastjóri Örnu, segir í samtali við BB. Engar breytingar verða á starfseminni í Bolungarvík og bætist þetta því við vöruflóru fyrirtækisins.

Hann segir rekstur Örnu ganga vel en fyrir stuttu bætti fyrirtækið við sig fjórum starfsmönnum og starfa þar nú 10 manns.