Hefja beint flug milli Vilníusar og Íslands

Ungverska lággjaldaflugfélagið Wizz Air mun fara jómfrúarferð sína hingað frá Vilnius í október og mun svo starfrækja þá flugleið allt árið um kring. Túristi greinir frá þessu. 

Wizz Air hóf síðasta vor að bjóða upp á áætlunarflug hingað frá Gdansk í Póllandi og bættust reglulegar ferðir frá Varsjá og Búdapest síðar við. Wizz Air mun fljúga vikulega til Vilnius yfir sumarmánuðina og Wizz Air verður fyrsta flugfélagið sem býður upp á vetrarflug milli Litháen og Íslands.

Félagið er fimmta stærsta lággjaldaflugfélag Evrópu. Flugið fram og til baka kostar frá 140 evrum, eða tæplega 20 þúsund krónum.