Þingmenn fordæma bónusgreiðslur Kaupþings Birta Svavarsdóttir skrifar 26. ágúst 2016 14:43 "Ég tel að það sé almennt samstaða um það að svona háar greiðslur séu ekki í takti við kjör almennings í landinu og þær er aldrei hægt að réttlæta með einhverjum sérstökum verðleikum. Þarna eru menn í raun og veru bara að nýta sér aðstöðu sína,“ segir Katrín Jakobsdóttir. Vísir Þingmenn fordæma fyrirhugaðar bónusgreiðslur til nokkurra lykilstarfsmanna eignarhaldsfélagsins Kaupþings, og segja þær í hæsta máta óeðlilegar. Oddný Harðardóttir, formaður Samfylkingarinnar, telur mikilvægt að endurskoða skattalöggjöf, bæði með tilliti til tekjuskatts og frá sjónarhóli fyrirtækja sem telja sig geta greitt út svo háa kaupauka. Þá setur Katrín Jakobsdóttir, formaður Vinstri grænna, spurningamerki við það hvort greiðslurnar eigi siðferðislega rétt á sér í ljósi umræðu í samfélaginu og almennra kjara á Íslandi.Greiðslur gætu numið allt að 50-100 milljónum á mann Fyrirhugaðar bónusgreiðslur til nokkurra hátt settra starfsmanna eignarhaldsfélagsins Kaupþings hafa vakið hörð viðbrögð. Kaupþing er langstærsti hluthafi Arion banka, en greiðslurnar gætu numið allt að einum og hálfum milljarði í heildina, sem gerir á milli 50-100 milljónir á mann.Bónusgreiðslur Kaupþings falla utan þess lagaramma sem FME hefur sett um kaupaukagreiðslur fjármálafyrirtækja.vísir/VilhelmDV greindi frá þessu í vikunni, en áformað er að leggja fyrir hugmyndir um téð bónuskerfi á aðalfundi félagsins sem fram fer í næstu viku. Myndu bónusgreiðslurnar leggjast ofan á þá bónusa sem sömu starfsmenn fengu þegar gengið var frá nauðasamningum Kaupþings um áramótin. Þar sem Kaupþing er ekki eftirlitskyldur aðili samkvæmt Fjármálaeftirlitinu þá falla bónusgreiðslur bankans utan hefðbundins lagaramma um kaupaukagreiðslur fjármálafyrirtækja, en þær mega ekki vera hærri en 25% af árslaunum þess sem hlýtur greiðslurnar.Segja greiðslurnar lykta af sjálftökuÍ kvöldfréttum RÚV í gærkvöldi sagðist Bjarni Benediktsson, fjármálaráðherra, vera hissa á því að svona samningar væru gerðir árið 2016, sérstaklega í ljós þess að „þetta fyrirtæki hafi orðið til fyrir milligöngu dómsstóla vegna þess að menn gátu ekki staðið við skuldbindingar sínar. Manni finnst allt þetta fyrirbæri sem Kaupþing er, og þessir samingar, lykta af sjálftöku.“ Oddný Harðardóttir, formaður Samfylkingarinnar og annar varaformaður fjárlaganefndar, tekur undir með Bjarna.Oddný Harðardóttir vill skoða skattalöggjöf tengda svo háum bónusgreiðslum.„Mér finnst þetta algjörlega fáránlegt. Bjarni Benediktsson, formaður Sjálfstæðisflokksins, benti réttilega á að þetta líktist sjálftöku og þetta er náttúrulega ekkert annað en það,“ segir Oddný í samtali við blaðamann Vísis.Endurskoða þurfi skattalöggjöf Segir Oddný að skoða þurfi rækilega hvernig hægt sé að koma í veg fyrir bónusgreiðslur af þessu tagi. Taka þurfi til greina bæði tekjuskattshliðina, það hvernig skattalöggjöf er á ofurlaun eða bónusa, og hvernig greiðslur af þessu tagi ganga upp frá sjónarhóli bankans, sem ætti þá að greiða sérstaka skatta af þeim. „Ég vil skoða skattalöggjöfina með tilliti til þessa, og í allri umræðunni um háa vexti, fjárhagsáhyggjur almennings, sögur af ungu fólki sem hefur ekki efni á þaki yfir höfuðið, þá er þetta eins og sprengja inn í þá umræðu. Það er ekki nóg að stjórnmálamenn segi, „Já, vá, þetta er alveg voðalegt.“ Það þarf að taka á þessu.“Engan veginn í takt við kjör almennings Katrín Jakobsdóttir, formaður Vinstri grænna, telur þetta einnig vera alfarið úr takti við umræðuna og hugarfarið í samfélaginu.Katrín Jakobsdóttir segir að „þarna séu menn í raun og veru bara að nýta sér aðstöðu sína.“ Fréttablaðið/GVA„Maður áttar sig ekki alveg á því hvaða rök eru fyrir þessum greiðslum. Það eru nefnilega engin sérstök rök, það er engin persónuleg áhætta eða sérstakir hæfileikar á bak við við þær. Ég tel að það sé almennt samstaða um það að svona háar greiðslur séu ekki í takti við kjör almennings í landinu og þær er aldrei hægt að réttlæta með einhverjum sérstökum verðleikum. Þarna eru menn í raun og veru bara að nýta sér aðstöðu sína.“ Þrátt fyrir að bónusgreiðslur Kaupþings falli utan þess lagaramma sem FME gerði um kaupauka eða bónusgreiðslur fjármálafyrirtækja þá telur Katrín alls ekki hægt að líta svo á að sá lagarammi komi Kaupþingi ekki við. Það sé munur á því sem hægt sé að komast upp með, og því sem geti talist siðferðislega rétt að gera í eðlilegu samfélagi. „Nú hafa verið sett lög sem ættu að þjóna sem ákveðinn vegvísir um vilja löggjafans í þessum efnum og það verða að teljast afleit vinnubrögð að menn telji sig geta farið svona fram hjá þeim. Þarna virðist fólk vera að segja sig úr sátt við samfélagið. Auðvitað eiga stjórnmálamenn, atvinnulíf og aðrir að hafa það í huga að horfa ekki eingöngu á hvað sé hægt að gera, heldur einnig hvað sé eðlilegt og rétt að gera.“Þarf að sýna samfélagslega ábyrgðÁsta Guðrún Helgadóttir, þingmaður Pírata telur fyrirhugaðar bónusgreiðslur Kaupþings vera í hæsta máta óeðlilegar, þá sérstaklega í ljósi stórs áfellisdóms sem féll í þriðja bindi Rannsóknarskýrslu Alþingis varðandi sams konar bónusgreiðslur.Vigdís fordæmir fyrirhugaðar bónusgreiðslur Kaupþings.vísir/pjetur„Þrátt fyrir að þessir einstaklingar hafi lagalega og tæknilega séð rétt á þessu, þá þykir mér þetta mjög óeðlilegt í ljósi alls sem á undan hefur gengið. Þetta snýst líka um að sýna samfélagslega ábyrgð og það virðist ekki vera mikil tilfinning fyrir því þegar verið er að tala um svona háar bónusgreiðslur eða kaupauka,“ segir Ásta Guðrún í samtali við Vísi. Vigdís Hauksdóttir, formaður Fjárlaganefndar, tekur í sama streng og gefur lítið fyrir vinnubrögð Kaupþings. „Ég fordæmi þetta, sérstaklega í ljósi þess að ég hef gögn í höndunum sem ég kem til með að birta á næstu dögum hvað varðar einkavæðingu bankanna hinna seinni. Þetta er einstaklega svívirðilegt,“ segir Vigdís. Alþingi Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Kaupfélagið á bak við risaviðskipti í Iceland Seafood Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Sjá meira
Þingmenn fordæma fyrirhugaðar bónusgreiðslur til nokkurra lykilstarfsmanna eignarhaldsfélagsins Kaupþings, og segja þær í hæsta máta óeðlilegar. Oddný Harðardóttir, formaður Samfylkingarinnar, telur mikilvægt að endurskoða skattalöggjöf, bæði með tilliti til tekjuskatts og frá sjónarhóli fyrirtækja sem telja sig geta greitt út svo háa kaupauka. Þá setur Katrín Jakobsdóttir, formaður Vinstri grænna, spurningamerki við það hvort greiðslurnar eigi siðferðislega rétt á sér í ljósi umræðu í samfélaginu og almennra kjara á Íslandi.Greiðslur gætu numið allt að 50-100 milljónum á mann Fyrirhugaðar bónusgreiðslur til nokkurra hátt settra starfsmanna eignarhaldsfélagsins Kaupþings hafa vakið hörð viðbrögð. Kaupþing er langstærsti hluthafi Arion banka, en greiðslurnar gætu numið allt að einum og hálfum milljarði í heildina, sem gerir á milli 50-100 milljónir á mann.Bónusgreiðslur Kaupþings falla utan þess lagaramma sem FME hefur sett um kaupaukagreiðslur fjármálafyrirtækja.vísir/VilhelmDV greindi frá þessu í vikunni, en áformað er að leggja fyrir hugmyndir um téð bónuskerfi á aðalfundi félagsins sem fram fer í næstu viku. Myndu bónusgreiðslurnar leggjast ofan á þá bónusa sem sömu starfsmenn fengu þegar gengið var frá nauðasamningum Kaupþings um áramótin. Þar sem Kaupþing er ekki eftirlitskyldur aðili samkvæmt Fjármálaeftirlitinu þá falla bónusgreiðslur bankans utan hefðbundins lagaramma um kaupaukagreiðslur fjármálafyrirtækja, en þær mega ekki vera hærri en 25% af árslaunum þess sem hlýtur greiðslurnar.Segja greiðslurnar lykta af sjálftökuÍ kvöldfréttum RÚV í gærkvöldi sagðist Bjarni Benediktsson, fjármálaráðherra, vera hissa á því að svona samningar væru gerðir árið 2016, sérstaklega í ljós þess að „þetta fyrirtæki hafi orðið til fyrir milligöngu dómsstóla vegna þess að menn gátu ekki staðið við skuldbindingar sínar. Manni finnst allt þetta fyrirbæri sem Kaupþing er, og þessir samingar, lykta af sjálftöku.“ Oddný Harðardóttir, formaður Samfylkingarinnar og annar varaformaður fjárlaganefndar, tekur undir með Bjarna.Oddný Harðardóttir vill skoða skattalöggjöf tengda svo háum bónusgreiðslum.„Mér finnst þetta algjörlega fáránlegt. Bjarni Benediktsson, formaður Sjálfstæðisflokksins, benti réttilega á að þetta líktist sjálftöku og þetta er náttúrulega ekkert annað en það,“ segir Oddný í samtali við blaðamann Vísis.Endurskoða þurfi skattalöggjöf Segir Oddný að skoða þurfi rækilega hvernig hægt sé að koma í veg fyrir bónusgreiðslur af þessu tagi. Taka þurfi til greina bæði tekjuskattshliðina, það hvernig skattalöggjöf er á ofurlaun eða bónusa, og hvernig greiðslur af þessu tagi ganga upp frá sjónarhóli bankans, sem ætti þá að greiða sérstaka skatta af þeim. „Ég vil skoða skattalöggjöfina með tilliti til þessa, og í allri umræðunni um háa vexti, fjárhagsáhyggjur almennings, sögur af ungu fólki sem hefur ekki efni á þaki yfir höfuðið, þá er þetta eins og sprengja inn í þá umræðu. Það er ekki nóg að stjórnmálamenn segi, „Já, vá, þetta er alveg voðalegt.“ Það þarf að taka á þessu.“Engan veginn í takt við kjör almennings Katrín Jakobsdóttir, formaður Vinstri grænna, telur þetta einnig vera alfarið úr takti við umræðuna og hugarfarið í samfélaginu.Katrín Jakobsdóttir segir að „þarna séu menn í raun og veru bara að nýta sér aðstöðu sína.“ Fréttablaðið/GVA„Maður áttar sig ekki alveg á því hvaða rök eru fyrir þessum greiðslum. Það eru nefnilega engin sérstök rök, það er engin persónuleg áhætta eða sérstakir hæfileikar á bak við við þær. Ég tel að það sé almennt samstaða um það að svona háar greiðslur séu ekki í takti við kjör almennings í landinu og þær er aldrei hægt að réttlæta með einhverjum sérstökum verðleikum. Þarna eru menn í raun og veru bara að nýta sér aðstöðu sína.“ Þrátt fyrir að bónusgreiðslur Kaupþings falli utan þess lagaramma sem FME gerði um kaupauka eða bónusgreiðslur fjármálafyrirtækja þá telur Katrín alls ekki hægt að líta svo á að sá lagarammi komi Kaupþingi ekki við. Það sé munur á því sem hægt sé að komast upp með, og því sem geti talist siðferðislega rétt að gera í eðlilegu samfélagi. „Nú hafa verið sett lög sem ættu að þjóna sem ákveðinn vegvísir um vilja löggjafans í þessum efnum og það verða að teljast afleit vinnubrögð að menn telji sig geta farið svona fram hjá þeim. Þarna virðist fólk vera að segja sig úr sátt við samfélagið. Auðvitað eiga stjórnmálamenn, atvinnulíf og aðrir að hafa það í huga að horfa ekki eingöngu á hvað sé hægt að gera, heldur einnig hvað sé eðlilegt og rétt að gera.“Þarf að sýna samfélagslega ábyrgðÁsta Guðrún Helgadóttir, þingmaður Pírata telur fyrirhugaðar bónusgreiðslur Kaupþings vera í hæsta máta óeðlilegar, þá sérstaklega í ljósi stórs áfellisdóms sem féll í þriðja bindi Rannsóknarskýrslu Alþingis varðandi sams konar bónusgreiðslur.Vigdís fordæmir fyrirhugaðar bónusgreiðslur Kaupþings.vísir/pjetur„Þrátt fyrir að þessir einstaklingar hafi lagalega og tæknilega séð rétt á þessu, þá þykir mér þetta mjög óeðlilegt í ljósi alls sem á undan hefur gengið. Þetta snýst líka um að sýna samfélagslega ábyrgð og það virðist ekki vera mikil tilfinning fyrir því þegar verið er að tala um svona háar bónusgreiðslur eða kaupauka,“ segir Ásta Guðrún í samtali við Vísi. Vigdís Hauksdóttir, formaður Fjárlaganefndar, tekur í sama streng og gefur lítið fyrir vinnubrögð Kaupþings. „Ég fordæmi þetta, sérstaklega í ljósi þess að ég hef gögn í höndunum sem ég kem til með að birta á næstu dögum hvað varðar einkavæðingu bankanna hinna seinni. Þetta er einstaklega svívirðilegt,“ segir Vigdís.
Alþingi Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Kaupfélagið á bak við risaviðskipti í Iceland Seafood Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Sjá meira