Áttunda tap Lakers í röð

Kobe Bryant átti slakan leik er LA Lakers var kafsiglt af Chicago Bulls í Staples Center í nótt.

Kobe skoraði 10 stig og hitti aðeins úr 4 af 13 skotum sínum í leiknum. Þetta var áttunda tap Lakers í röð en liðið er aðeins búið að vinna 9 leiki í vetur og tapa 39.

Jimmy Butler var sem fyrr í stuði hjá Bulls. Hann skoraði 26 stig og gaf 10 stoðsendingar.

Pau Gasol var að spila í fyrsta og síðasta skipti gegn vini sínum Kobe. Hann skoraði 21 stig og tók 12 fráköst fyrir Bulls.

Úrslit:

Indiana-Atlanta  111-92

Washington-Denver  113-117

Toronto-NY Knicks  103-93

Memphis-Milwaukee  103-83

New Orleans-Sacramento  114-105

LA Lakers-Chicago  91-114

Staðan í NBA-deildinni.