Bendtner laus allra mála

Nicklas Bendtner og Wolfsburg hafa náð samkomulagi um starfslok leikmannsins. Hann er því án félags.

Daninn var með samning við félagið til ársins 2017 en fær að fara strax í dag.

Bendtner hefur lent í alls konar vandræðum hjá félaginu og hefur ekki mátt mæta á æfingar síðustu vikur. Hann gerði vitleysur eins og að mynda sig við hlið Mercedes Benz-bifreiðar á meðan Volkswagen styrkir Wolfsburg.

Bendtner kom til félagsins frítt árið 2014 og spilaði 47 leiki fyrir Wolfsburg og skoraði í þeim leikjum 9 mörk.

Klaus Allofs, íþróttastjóri félagsins, sagði að Bendtner hefði ekki staðið undir væntingum og að félagið hefði ekki gert það heldur að mati Danans. Því væri engin glóra í því að halda samstarfinu áfram.