Gigi Hadid nakin í vorherferð Versace

Gigi Hadid situr fyrir í enn einni Versace auglýsingaherferðinni, í þetta skiptið fyrir vorið 2017. Í auglýsingunni situr Gigi nakin fyrir aðeins klædd í hælaskó. 

Þetta er ekki í fyrsta skiptið sem að fyrirsætan situr fyrir nakin en hún hefur áður berað líkamann sinn fyrir herferðir hjá Stuart Weitzman sem og á forsíðu franska Vogue. 

Það kemur ekki á óvart að Gigi hafi verið valin sem andlit Versace að þessu sinni enda eru hún og Donatella Versace góðar vinkonur og kærastinn hennar, Zayn, er um þessar mundir að hanna línu fyrir undirmerki Versace, Versus Versace.