Hundfúll hafnar Björn Þorláksson 7. sætinu Jakob Bjarnar skrifar 28. júní 2016 14:07 Varla er hægt að segja að Björn geri mikið til að leyna gremju sinni og sárindum, en svo virðist sem frami innan Pítata eigi ekki fyrir honum að liggja. Björn Þorláksson blaðamaður telur sig grátt leikinn í prófkjöri Pírata. Hann telur stjórn Pírata hafa haldið hæfasta og öflugasta fólkinu, nefnilega sér sjálfum og einhverjum ónefndum öðrum, frá efsta sætum í prófkjöri fyrir alþingiskosningar 2016. Björn var um hríð stjórnandi vefs Hringbrautar en var rekinn þaðan þegar Sigurjón Magnús Egilsson tók við stjórnartaumum þar. Björn snéri sér þá að stjórnmálunum en nú hafnaði hann í 7. sæti í norðausturkjördæmi og ljóst er að honum þykir það langt fyrir neðan sína virðingu, í pistli sem hann ritar um málið á Facebooksíðu sína. „Ég bauð mig fram korter í þrjú en í þessu prófkjöri kom á daginn að fremur fáa inni í litla lokaða prófkjörinu langaði að breyta heiminum með mér,“ skrifar Björn meðal annars.Lítil búbla situr uppi með sjálfa sig Ljóst er að niðurstaðan veldur Birni sárum vonbrigðum, sjálfur hafði hann sóst eftir því að leiða listann en í efsta sæti er Einar Brynjólfsson, Guðrún Ágústa Þórdísardóttir er í öðru sæti og Hans Jónsson í því þriðja. Björn telur um að ræða klíkuskap og segir Pírata í norðausturhéraði vilja skara eld að eigin köku; og hann væntir ekki mikils af þessu fólki. „Ég geng trúr sjálfum mér frá borði sem fyrr, mun læra af því sem ég gat gert betur, en mun vitaskuld ekki þiggja það sæti sem þau vilja nú að ég taki á listanum, sæti sjö. Það var val að svíkja lit hins faglega hlutleysis blaðamannsins, óvirkur sem ég var um skeið, mér verður sennilega fyrirgefið pólitíska hliðarsporið, enda píratar fyrst og fremst andófsafl sem styður róttæka kerfisbreytingu. Hitt skiptir einnig máli varðandi traust og trúnað að lítil búbla hér í norðlensku héraði situr nú uppi með sjálfa sig og eigin ranghugmyndir.“Björn nákvæmlega rétti maðurinn Björn hefur verið óspar og ákaflega duglegur við að dásama lýðræðisfundi Pírata í aðdraganda prófkjörsins. Fyrir tveimur dögum ritaði Björn til að mynda bjartsýnn: „Ég tók ekki ákvörðun um að fara fram einn, ég var hvattur áfram af hundruðum, ég ákvað að svara kallinu, ekki vegna draums um eigin völd, hreint ekki, heldur vegna þess að mér fannst mér bera skylda til að láta á það reyna hvort maður eins og ég gæti orðið þjónn almennings á þingi á ögurstundinni sem fram undan er, tækifærið til breytinga er núna! [...] Ég tek alltaf allar áskoranir mjög alvarlega, ég brenn fyrir ástríðu hver sem verkin eru. Ég þakka öllum sem lagt hafa lið í baráttunni. Ef árangur næst annað kvöld er ég mjög bjartsýnn varðandi stóru kosninguna í haust, að tækifæri gefist með góðu fólki til að breyta landinu til hins betra, enda bentu ýmsir mér í gærkvöld á að ég væri að þeirra mati akkúrat með rétta bakgrunninn, akkúrat með réttu hugsunina fyrir framtíð Pírata og þar með landsins alls.“Mun ekki þramma undir fána Pírata áfram En, nú er komið annað hljóð í strokkinn, honum hefur snúist hugur: „Ég mun svífa burt frjáls eins og fuglinn með þá von í hjarta að pírötum gangi vel að breyta Íslandi til hins betra án þess að eiga þess kost að styðja þá í þeirri vegferð. Því miður bendir niðurstaða fyrsta pírataprófkjörs ársins 2016 (sem klíkunni lá mikið á að efna til og framkvæma í skjóli nætur í óþökk flestra utan héraðs) ekki til að þingmannsefnin hér fyrir norðan hafi góðar hugmyndir um lykil að árangri þegar almenningur er annars vegar,“ skrifar Björn Þorláksson meðal annars á Facebook-síðu sína. Kosningar 2016 Mest lesið Kári var harðákveðinn að hætta ekki sem forstjóri Innlent Kári hættur hjá Íslenskri erfðagreiningu Innlent Í leyfi frá þingstörfum og flytur til New York Innlent „Vona að þú sofir vel“ Innlent „Ég meina, hann er að missa fyrirtækið sitt“ Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent „Ekki bara rekinn heldur á staðnum og fyrirvaralaust“ Innlent Grunaður um að hafa frelsissvipt ferðamann í nokkrar klukkustundir Innlent Segjast hafa lent í drónaárás á alþjóðlegu hafsvæði Erlent Fleiri fréttir „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Sjá meira
Björn Þorláksson blaðamaður telur sig grátt leikinn í prófkjöri Pírata. Hann telur stjórn Pírata hafa haldið hæfasta og öflugasta fólkinu, nefnilega sér sjálfum og einhverjum ónefndum öðrum, frá efsta sætum í prófkjöri fyrir alþingiskosningar 2016. Björn var um hríð stjórnandi vefs Hringbrautar en var rekinn þaðan þegar Sigurjón Magnús Egilsson tók við stjórnartaumum þar. Björn snéri sér þá að stjórnmálunum en nú hafnaði hann í 7. sæti í norðausturkjördæmi og ljóst er að honum þykir það langt fyrir neðan sína virðingu, í pistli sem hann ritar um málið á Facebooksíðu sína. „Ég bauð mig fram korter í þrjú en í þessu prófkjöri kom á daginn að fremur fáa inni í litla lokaða prófkjörinu langaði að breyta heiminum með mér,“ skrifar Björn meðal annars.Lítil búbla situr uppi með sjálfa sig Ljóst er að niðurstaðan veldur Birni sárum vonbrigðum, sjálfur hafði hann sóst eftir því að leiða listann en í efsta sæti er Einar Brynjólfsson, Guðrún Ágústa Þórdísardóttir er í öðru sæti og Hans Jónsson í því þriðja. Björn telur um að ræða klíkuskap og segir Pírata í norðausturhéraði vilja skara eld að eigin köku; og hann væntir ekki mikils af þessu fólki. „Ég geng trúr sjálfum mér frá borði sem fyrr, mun læra af því sem ég gat gert betur, en mun vitaskuld ekki þiggja það sæti sem þau vilja nú að ég taki á listanum, sæti sjö. Það var val að svíkja lit hins faglega hlutleysis blaðamannsins, óvirkur sem ég var um skeið, mér verður sennilega fyrirgefið pólitíska hliðarsporið, enda píratar fyrst og fremst andófsafl sem styður róttæka kerfisbreytingu. Hitt skiptir einnig máli varðandi traust og trúnað að lítil búbla hér í norðlensku héraði situr nú uppi með sjálfa sig og eigin ranghugmyndir.“Björn nákvæmlega rétti maðurinn Björn hefur verið óspar og ákaflega duglegur við að dásama lýðræðisfundi Pírata í aðdraganda prófkjörsins. Fyrir tveimur dögum ritaði Björn til að mynda bjartsýnn: „Ég tók ekki ákvörðun um að fara fram einn, ég var hvattur áfram af hundruðum, ég ákvað að svara kallinu, ekki vegna draums um eigin völd, hreint ekki, heldur vegna þess að mér fannst mér bera skylda til að láta á það reyna hvort maður eins og ég gæti orðið þjónn almennings á þingi á ögurstundinni sem fram undan er, tækifærið til breytinga er núna! [...] Ég tek alltaf allar áskoranir mjög alvarlega, ég brenn fyrir ástríðu hver sem verkin eru. Ég þakka öllum sem lagt hafa lið í baráttunni. Ef árangur næst annað kvöld er ég mjög bjartsýnn varðandi stóru kosninguna í haust, að tækifæri gefist með góðu fólki til að breyta landinu til hins betra, enda bentu ýmsir mér í gærkvöld á að ég væri að þeirra mati akkúrat með rétta bakgrunninn, akkúrat með réttu hugsunina fyrir framtíð Pírata og þar með landsins alls.“Mun ekki þramma undir fána Pírata áfram En, nú er komið annað hljóð í strokkinn, honum hefur snúist hugur: „Ég mun svífa burt frjáls eins og fuglinn með þá von í hjarta að pírötum gangi vel að breyta Íslandi til hins betra án þess að eiga þess kost að styðja þá í þeirri vegferð. Því miður bendir niðurstaða fyrsta pírataprófkjörs ársins 2016 (sem klíkunni lá mikið á að efna til og framkvæma í skjóli nætur í óþökk flestra utan héraðs) ekki til að þingmannsefnin hér fyrir norðan hafi góðar hugmyndir um lykil að árangri þegar almenningur er annars vegar,“ skrifar Björn Þorláksson meðal annars á Facebook-síðu sína.
Kosningar 2016 Mest lesið Kári var harðákveðinn að hætta ekki sem forstjóri Innlent Kári hættur hjá Íslenskri erfðagreiningu Innlent Í leyfi frá þingstörfum og flytur til New York Innlent „Vona að þú sofir vel“ Innlent „Ég meina, hann er að missa fyrirtækið sitt“ Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent „Ekki bara rekinn heldur á staðnum og fyrirvaralaust“ Innlent Grunaður um að hafa frelsissvipt ferðamann í nokkrar klukkustundir Innlent Segjast hafa lent í drónaárás á alþjóðlegu hafsvæði Erlent Fleiri fréttir „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Sjá meira