Gunnar í besta formi lífsins: Ég er tilbúinn Henry Birgir Gunnarsson í Las Vegas skrifar 11. júlí 2015 10:00 Gunnar vill koma sér aftur á sigurbraut eftir tapið gegn Rick Story og fær loks tækifæri til þess í Las Vegas í kvöld.fréttablaðið/getty „Ég er löngu tilbúinn og er bara að bíða eftir því að komast í búrið. Síðasta vikan fyrir bardaga er leiðinlegust. Þá er maður nánast hættur að æfa og er bara að bíða,“ segir Gunnar Nelson en hann getur ekki beðið eftir að þreyta frumraun sína í Bandaríkjunum. Í nótt mun hann mæta heimamanninum Brandon Thatch á stærsta bardagakvöldi í sögu UFC. Gunnar tapaði síðasta bardaga sínum fyrir Rick Story og lærði af því. Hann er búinn að æfa gríðarlega vel fyrir þennan bardaga. „Æfingabúðirnar voru góðar. Gott að fara til Mexíkó og vera hátt uppi. Svo þegar ég kem til Vegas verður allt auðveldara. Svo er gott að hafa verið hér í nokkrar vikur og aðlagast loftslaginu. Þetta er orðið heimilislegt,“ segir Gunnar og hann fer ekkert í grafgötur með að hafa aldrei verið í betra formi um ævina. „Ég er í virkilega góðu formi. Það er ekki spurning að ég er í mínu besta formi frá upphafi.“ Líkt og venjulega dró upprunalegur andstæðingur Gunnars, John Hathaway, sig úr keppni. Það hreyfir ekki mikið við okkar manni. „Það hefur alltaf verið þannig. Ég er orðinn vel vanur því og það hefur lítil áhrif. Thatch er sterkari á pappírnum og líka stærra nafn.“ Thatch er mjög kröftugur bardagamaður og mikill rotari. Hann segist ætla að rota Gunnar í annarri lotu. Gunnar ætlar að sjálfsögðu ekki að leyfa honum að komast upp með það. „Ég er ekki viss um að hann mæti bilaður og hjóli strax í mig. Hann er hræddur við að fara í gólfið með mér og mun því örugglega passa sig. Ef hann veður inn eru líkur á að hann verði tekinn niður. Ég er búinn að æfa að berjast standandi mikið. Ég er tilbúinn.“ Þjálfari Gunnars, John Kavanagh, er mjög ánægður með Gunnar sem hann segir vera með breytt viðhorf. Gunnar segist aðeins hafa misst áhugann en það sé komið aftur. Skal engan undra því hann er að fá frábært tækifæri með því að keppa á þessu risakvöldi. „Þetta verður klikkað kvöld. Ég get ekki beðið. Þetta er mikill heiður. Ég finn ekkert mikið fyrir pressunni. Þessi vika hefur verið ótrúlega ljúf. Við erum uppi í þessu fína húsi, MacMansion, og það er svo mikill áhugi á tveimur stærstu bardögunum að við hinir höfum fengið að fljóta. Það hentar mér mjög vel,“ segir Gunnar og brosir. Þó svo hann sé ekki vanur að ýta sér í sviðsljósið þá gefur hann af sér í öllum viðtölum og heillar erlenda blaðamenn venjulega upp úr skónum. Gunnar hefur ekki áhuga á því að bardaginn fari alla leið og dómarar þurfi að skera úr um úrslit. Hann ætlar að klára bardagann. „Þessi bardagi gæti farið á marga vegu. Ég fer inn og verð tilbúinn að takast á við hvað sem er. Ef við förum í gólfið þá finnst mér líklegt að ég klári hann þokkalega snemma. Svo getur verið að við stöndum um tíma. Þetta kemur í ljós. Það getur líka vel verið að ég slái hann bara niður. Ég ætla alltaf að klára mína bardaga. Ég vil ekki að dómarar ákveði þetta,“ segir Gunnar ákveðinn en finnst honum hann þurfa að svara fyrir sig eftir síðasta bardaga? „Mér finnst alltaf að ég þurfi að gera eins vel og ég get. Bæði fyrir mig og aðra Til þess er ég að þessu. Ég vil alltaf klára mína bardaga og gera það almennilega.“Vísir er í Las Vegas og fylgir Gunnari Nelson eftir alla vikuna. Ekki missa af neinu. Like-aðu okkur á Facebook, eltu okkur á Twitter og skyggnstu bakvið tjöldin á Snapchat (sport365). Tryggðu þér svo áskrift á 365.is. MMA Mest lesið Bætti á sig átta kílóum, vann tvöfalt og er á leið út Handbolti Sunderland vann milljónaleikinn og komst upp í úrvalsdeildina Enski boltinn Forest bannaði Neville að mæta á völlinn Enski boltinn Sjáðu neglur Arons og ótrúlegt skallamark þess sænska Íslenski boltinn Uppgjörið: KA - Afturelding 1-0 | KA af botninum Íslenski boltinn Matic reyndist sannspár með söluna á McTominay Fótbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Leik lokið: Víkingur - ÍA 2-1 | Víkingar tylltu sér á toppinn Íslenski boltinn Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Íslenski boltinn Vildi ekki skipta um lið bara til þess eins að skipta um lið Handbolti Fleiri fréttir „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Stórleikur Martins dugði ekki til og Alba Berlin úr leik Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Leik lokið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Lando Norris hrifsaði til sín ráspólinn á elleftu stundu Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Þorsteinn Leó með fimm í mikilvægum sigri Uppgjörið: Þór/KA - Stjarnan 1-0 | Mark Söndru Maríu skildi á milli Melsungen komst ekki í úrslitaleikinn Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Forest bannaði Neville að mæta á völlinn Vann meistarana í gær og valin í landsliðið í dag Bætti á sig átta kílóum, vann tvöfalt og er á leið út Siakam sjóðheitur þegar Pacers komst í 2-0 Sjáðu neglur Arons og ótrúlegt skallamark þess sænska Vildi ekki skipta um lið bara til þess eins að skipta um lið „Sannleikurinn“ Edwards þarf að skjóta sópinn úr höndum OKC Spennt fyrir úrslitaleiknum og glöð að bikarinn er kominn í leitirnar Dagskráin í dag: Íslenskur fótbolti, úrslitakeppni NBA, Formúla 1 og margt fleira Sjá meira
„Ég er löngu tilbúinn og er bara að bíða eftir því að komast í búrið. Síðasta vikan fyrir bardaga er leiðinlegust. Þá er maður nánast hættur að æfa og er bara að bíða,“ segir Gunnar Nelson en hann getur ekki beðið eftir að þreyta frumraun sína í Bandaríkjunum. Í nótt mun hann mæta heimamanninum Brandon Thatch á stærsta bardagakvöldi í sögu UFC. Gunnar tapaði síðasta bardaga sínum fyrir Rick Story og lærði af því. Hann er búinn að æfa gríðarlega vel fyrir þennan bardaga. „Æfingabúðirnar voru góðar. Gott að fara til Mexíkó og vera hátt uppi. Svo þegar ég kem til Vegas verður allt auðveldara. Svo er gott að hafa verið hér í nokkrar vikur og aðlagast loftslaginu. Þetta er orðið heimilislegt,“ segir Gunnar og hann fer ekkert í grafgötur með að hafa aldrei verið í betra formi um ævina. „Ég er í virkilega góðu formi. Það er ekki spurning að ég er í mínu besta formi frá upphafi.“ Líkt og venjulega dró upprunalegur andstæðingur Gunnars, John Hathaway, sig úr keppni. Það hreyfir ekki mikið við okkar manni. „Það hefur alltaf verið þannig. Ég er orðinn vel vanur því og það hefur lítil áhrif. Thatch er sterkari á pappírnum og líka stærra nafn.“ Thatch er mjög kröftugur bardagamaður og mikill rotari. Hann segist ætla að rota Gunnar í annarri lotu. Gunnar ætlar að sjálfsögðu ekki að leyfa honum að komast upp með það. „Ég er ekki viss um að hann mæti bilaður og hjóli strax í mig. Hann er hræddur við að fara í gólfið með mér og mun því örugglega passa sig. Ef hann veður inn eru líkur á að hann verði tekinn niður. Ég er búinn að æfa að berjast standandi mikið. Ég er tilbúinn.“ Þjálfari Gunnars, John Kavanagh, er mjög ánægður með Gunnar sem hann segir vera með breytt viðhorf. Gunnar segist aðeins hafa misst áhugann en það sé komið aftur. Skal engan undra því hann er að fá frábært tækifæri með því að keppa á þessu risakvöldi. „Þetta verður klikkað kvöld. Ég get ekki beðið. Þetta er mikill heiður. Ég finn ekkert mikið fyrir pressunni. Þessi vika hefur verið ótrúlega ljúf. Við erum uppi í þessu fína húsi, MacMansion, og það er svo mikill áhugi á tveimur stærstu bardögunum að við hinir höfum fengið að fljóta. Það hentar mér mjög vel,“ segir Gunnar og brosir. Þó svo hann sé ekki vanur að ýta sér í sviðsljósið þá gefur hann af sér í öllum viðtölum og heillar erlenda blaðamenn venjulega upp úr skónum. Gunnar hefur ekki áhuga á því að bardaginn fari alla leið og dómarar þurfi að skera úr um úrslit. Hann ætlar að klára bardagann. „Þessi bardagi gæti farið á marga vegu. Ég fer inn og verð tilbúinn að takast á við hvað sem er. Ef við förum í gólfið þá finnst mér líklegt að ég klári hann þokkalega snemma. Svo getur verið að við stöndum um tíma. Þetta kemur í ljós. Það getur líka vel verið að ég slái hann bara niður. Ég ætla alltaf að klára mína bardaga. Ég vil ekki að dómarar ákveði þetta,“ segir Gunnar ákveðinn en finnst honum hann þurfa að svara fyrir sig eftir síðasta bardaga? „Mér finnst alltaf að ég þurfi að gera eins vel og ég get. Bæði fyrir mig og aðra Til þess er ég að þessu. Ég vil alltaf klára mína bardaga og gera það almennilega.“Vísir er í Las Vegas og fylgir Gunnari Nelson eftir alla vikuna. Ekki missa af neinu. Like-aðu okkur á Facebook, eltu okkur á Twitter og skyggnstu bakvið tjöldin á Snapchat (sport365). Tryggðu þér svo áskrift á 365.is.
MMA Mest lesið Bætti á sig átta kílóum, vann tvöfalt og er á leið út Handbolti Sunderland vann milljónaleikinn og komst upp í úrvalsdeildina Enski boltinn Forest bannaði Neville að mæta á völlinn Enski boltinn Sjáðu neglur Arons og ótrúlegt skallamark þess sænska Íslenski boltinn Uppgjörið: KA - Afturelding 1-0 | KA af botninum Íslenski boltinn Matic reyndist sannspár með söluna á McTominay Fótbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Leik lokið: Víkingur - ÍA 2-1 | Víkingar tylltu sér á toppinn Íslenski boltinn Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Íslenski boltinn Vildi ekki skipta um lið bara til þess eins að skipta um lið Handbolti Fleiri fréttir „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Stórleikur Martins dugði ekki til og Alba Berlin úr leik Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Leik lokið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Lando Norris hrifsaði til sín ráspólinn á elleftu stundu Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Þorsteinn Leó með fimm í mikilvægum sigri Uppgjörið: Þór/KA - Stjarnan 1-0 | Mark Söndru Maríu skildi á milli Melsungen komst ekki í úrslitaleikinn Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Forest bannaði Neville að mæta á völlinn Vann meistarana í gær og valin í landsliðið í dag Bætti á sig átta kílóum, vann tvöfalt og er á leið út Siakam sjóðheitur þegar Pacers komst í 2-0 Sjáðu neglur Arons og ótrúlegt skallamark þess sænska Vildi ekki skipta um lið bara til þess eins að skipta um lið „Sannleikurinn“ Edwards þarf að skjóta sópinn úr höndum OKC Spennt fyrir úrslitaleiknum og glöð að bikarinn er kominn í leitirnar Dagskráin í dag: Íslenskur fótbolti, úrslitakeppni NBA, Formúla 1 og margt fleira Sjá meira