Nærri hálfs milljarðs króna gjaldþrot í Borgarnesi

Ekkert fékkst upp í 440 milljóna kröfur félaganna Staðarhúsa ehf. og Stafholts ehf. Þetta kemur fram í Lögbirtingarblaðinu. Félögin voru lýst gjaldþrota í september 2013.

Félögin áttu jarðirnar Staðarhús, Hjarðarholt–Fornistekkur, og Hjarðarholt–Svörtubak í Borgarnesi en samanlögð stærð jarðanna þriggja eru ríflega 70 hektarar.

Drómi tók jarðirnar allar yfir vegna ógreidda skulda áður en félögin fór í þrot. Staðarhús og Stafholt voru því eignarlaus þegar þau voru tekin til gjaldþrotaskipta.

Drómi og Vís lýstu ein kröfum í félögin sem bæði voru í eigu Hauks Þórs Haukssonar. Hann sagði í samtali við Vísi að erlend lán hafi einfaldlega hækkað of mikið svo hann hafi samið um að fjármálastofnunin tæki jarðirnar yfir.

Eiginkona Hauks, Ásta Möller fyrrverandi Alþingismaður, er nú skráður eigandi beggja jarðanna við Hjarðarholt.