AGS ítrekar nauðsyn þess að vernda sjálfstæði Seðlabankans

Jafnvægi hefur náðst í peningastefnunni en miklar áskoranir eru framunda. Þetta má lesa út úr nýjustu skýrslu Alþjóðagjaldeyrissjóðsins um Ísland. Reglubundin umræða fór fram í framkvæmdastjórn Alþjóðagjaldeyrissjóðsins hinn 9. Mars um stöðu og horfur í efnahagslífi á Íslandi.

Alþjóðagjaldeyrissjóðurinn segir að Seðlabankinn verði að ná jafnvægi á milli lækkandi neysluverðsvísitölu annars vegar og annarra áskorana svo sem fyrirsjánlegra launahækkana í komandi kjaraviðræðum.

Þá segir Alþjóðagjaldeyrissjóðurinn að Seðlabankinn ætti að halda áfram að auka við gjaldeyrisvaraforðann eins og aðstæður leyfa til þess að takast á við fyrirsjáanlegt útflæði fjármagns.

Þá ítrekar Alþjóðagjaldeyrissjóðurinn að endurskoðun á lögum um Seðlabankann verði að miða að sjálfstæði, áreiðanleika og trúverðugleika Seðlabankans.